Fórum í frábæra kvöldgöngu í gærkvöldi eftir að hafa fengið okkur heldur fábreyttan kvöldverð en forðinn var ennþá til staðar eftir hádegisverðin góða.Við gengum út í ennþá einn garðinn sem heitir Taipingqiao Park og er í um 30 mín göngu frá hótelinu en þá er gengið í gengum flott verslunarhverfi og við fengum okkur einn hressandi og svalandi Starbucks kaffidrykk. Sú stutta var í svonefndum sixpack poka sem situr framan á magavöðvum og þar leið dömunni vel þótt nokkuð hafi verið grátíð í upphafi þar sem hún hafði ætlað sér að hvíla framan á mútter. Hún lék á alls oddi og söng fyrir okkur kínversk lög sem er hrikalega fallegt að heyra og vonandi tekst okkur að viðhalda því hjá henni. Þessi garður sem er dæmigerður fyrir fjölmarga sambærilega eru fullur af fólki á kvöldin sem sitja við tjarnir og ræða málin, karlar gjarnan háværari (ólíkt með löndunum) og spila en konurnar eru öllu nettari í sínu spjalli.Þarna eru börn að leik þótt áliðið sé en í raun er það skynsamlegt því tæplega er hægt vera úti yfir miðjan daginn. Ólýsanlegt var síðan þegar við byrjuðum að heyra fjölbreyttan söng yfir tjörnina sem við sátum við og þegar við lukum göngutúrnum komumst við að því að þar sat einn eldri maður á vélhjólastól með þvílíkan karokee útbúnað að veitingastaðir væru stoltir af. Hópur hafði safnast saman hjá kallinum og tóku lagið þannig sannast að það er ekki bara fyrrverandi forseti þeirra Kínverja sem elskar að syngja fyrir fólk heldur eru það fleiri landsmenn sem það elska svo sannarlega. Hitinn var æðislegur í kvöld ábyggilega rétt um 25 stig eða svo, sem er mikill munur miðað við rétt um 40 stig að degi til. Síðan var gengið heim og þá þarf að passa sig í umferðinni því gangandi vegfarendur eru ekki réttháir hérna. Þó er umferðinni hérna í Shanghæ nokkuð betri en í Peking þar sem hún er nú eiginlega hrikaleg það verður bara að viðurkennast.
Við tókum daginn snemma eftir að systurnar höfðu báðar vaknað með bros á vör. Við fengum okkur göngutúr út í nærliggjandi garð í þeim tilgangi að geta fylgst með morgunleikfimi. Líklega vorum við aðeins of sein á ferðinni því það voru ekki margir í slíkum æfingum að þessu sinni, kannski náum við að upplifa það í Peking um helgina. Við vorum síðan sótt af Línu leiðsögumanni og við fórum til að skoða Buddha hof sem var alveg frábært að upplifa, þvílík fegurð ró og friður, eiginlega alveg magnað hvað fylgir mikil innri ró. Það voru margir innfæddir við trúariðkun og virtust ekki kippa sér mikið upp við fjölda ferðamanna sem fór um með leiftrandi myndavélaglampa í sífellu. Munir þeirra eru virkilega fallegir og allt útskorið og síðan miklar gillingar á öllu. Eftir góða stund létum við listamann á svæðinu skrifa upp nafnið á Auði Eddu á kínversku þeas kínverska nafnið hennar og fallegan boðskap til hennar frá okkur. Smá af minjagripum voru keyptir en leiðin lá síðan að silkiverksmiðju sem er ríkisrekin og þar fengum við sögu þess hvernig silki er unnið úr silkiormum eða púpunni þeirra öllu heldur. Virkilega fræðandi og skemmtilegt að fá að sjá. Eitthvað smotterí datt í innkaupakörfur okkar og sama var á næsta stoppustöð sem var Ríkisrekna perluverksmiðjan þar sem við keyptum sambærilega hluti fyrir Auði Eddu og við höfðum keypt á sínum tíma fyrir Siggu Báru. Á leiðinni hótelið var stutt stopp hjá sýslumanni þar sem við fengum afhent síðustu eintökin af pappírum frá Kína vegna ættleiðingarinnar og núna er því Auður Edda Jin formlega orðin hluti af okkar fjölskyldu og sómir sér vel. Húrra. Hún hefur verið alvega frábær í dag, var í burðarpokanum hjá Pabba sínum og kvartaði ekki neitt heldur hló og skríkti og naut lífsins meðan sérstaklega þegar sá gamli læddi að henni einum og einum kexbita. Núna er að líða síðasti dagurinn og við erum farin að huga að því að pakka saman okkar hlutum, við kvöddum leiðsögumanninn en einhver annar mun fylgja okkur út á völl á morgun. Ekki er víst að neitt komi frá okkur á morgun því það er ferðadagurinn mikli og fróðlegt verður að vita hvernig sú stutta tekur fluginu. Við erum ekki alveg að sjá þess feimnu stúlku sem talað er um í pappírunum heldur er hún fjörug og stríðin hverjum sem það líkist nú. Að lokum til hamingju með afmælið Olgeir Þór hlökkum til að hitta þig í næstu viku!!
Bless í bú
fimmtudagur, júlí 22, 2010
Ekki lát á frábærum dögum og hita í Shanghæ
Dagurinn byrjaði vel hjá okkur, dömurnar sváfu vel í nótt og vöknuðu með bros á vör sem fyrr. Eftir góðan morgunverð þá fórum við í ferð með leiðsögumanni okkar henni Línu eins og hún heitir. Við fórum í það sem kallað er hér gamli hluti borgarinnar og hefur staðið hér í einhver hundruð ára. Þetta er „ekta Kína“ eins og sagt er byggingar með þessu flotta kínverska lagi með flottum og útskornum dýrum. Við fórum í Yuyuan Gardens sem er miðpunkturinn þar og er í raun listigarður af fegurstu gerð og er alveg nauðsynlegt að sjá fannst okkur. Falleg hús og tjarnir og listilega vel útfærðir garðar. Hitinn var reyndar óbærilegur og við drukkum mikið af vatni, urðum líka að bera dömurnar báðar því ekki var hægt að vera með kerru bæði vegna mannfjölda og eins vegna þess hversu grófar gangstéttirnar eru en þær eru stundum sjálfar hreint listaverk. Eftir góða stund í þessum garði var okkur boðið í miðdegisverð sem endaði í einhverjum 10 réttum sem hver toppaði hinn fyrri. Alveg frábært og að því loknu smá meiri skoðun. Síðan tók við tea hús þar sem við keyptum smá af tei og smökkuðum hin ýmsu afbrigði sem eiga að virka bæði til að auka meltingu (förum ekki nánar út í það) minnka uppþembu, blóðsykur,karlmennsku og langlífi svo fátt eitt sé talið á löngum lista. Við munum af tilliti til fjölskyldunar ekki greina frá því hvaða te við keyptum að þessu sinni. Litla daman er alltaf flottari og flottari og er orðin virkilega háð mömmu sinni og vill lítið koma til pabbans nema hann hafi Kex eða eitthvað matarkyns svo.það þarf að aðlagast því. Þvílíkt matargat hún er bara óstöðvandi. Núna eru dömurnar allar og Brói í sundi spa og sauna sem líklega er álíka heit og að standa úti á bílastæði en það dugar nú ekki. Sú stutta er sofandi og síðdegið er ófrágangið. Lína leiðsögumaður hló mikið af því á hvaða veitingastað við fórum í gær, sagði að það gæti ekki orðið meira staðbundið en þetta og sagði að foreldrar hennar sem væru gamlir eða eitthvað um fimmtugt (ok náðum því) færu stundum þarna þegar þau gerðu sér dagamun og maturinn væri ok. Henni fannst virkilega fyndið að heyra lýsingu okkar á þessu öllu saman og var stolt af því að við skyldum finna þennan stað því kínverskara verður það nú varla við erum búin að hlæja svo mikið að þessu hjá okkur að það er ólýsanlegt. Núna er bara einn heill dagur eftir í borginni og snemmaá laugardag þá förum við aftur yfir til Peking og okkur hlakkar mikið til að hitta Jóa og Jónu og síðan íslenska hópinn. Aftur og enn þá hafa Brói og Edda létt okkur lífið ótrúlega í þessari ferð – vitum ekki hvernig þetta hafi farið án þeirra!!!
Til hamingju með daginn Geiri
Bless í bú
Til hamingju með daginn Geiri
Bless í bú
miðvikudagur, júlí 21, 2010
Sú stutta heldur áfram að koma á óvart.
Það eru búnir að vera hreint út sagt frábærir dagar með Auði Eddu. Hún heldur áfram að koma okkur á óvart, er mjög skörp á því að fylgjast með og herma eftir, tók til dæmis fjarstýringuna af sjónvarpinu og beindi henni að réttu horni sjónvarpsins eins og stóra systir hafði verið að gera. Síðan tók hún fötin sín og braut þau bara nokkuð vel saman og vildi setja þau í skúffuna þar sem fötin eru geymd en toppurinn var samt þegar hún hafði haldið rusli í annarri hendi um nokkurt skeið og fór síðan með í ruslafötuna. Hreint út frábær dama sem vill hafa allt á sínum stað. Það má ekki gleyma því hversu frábært það er búið að vera að hafa Bróa og Eddu með okkur i þessari ferð.Þau eru ekki bara skemmtilegir ferðafélagar heldur einstakir vinir enda hefur ferðalagið verið svo skemmtilega að það er ólýsanlegt í alla staði en núna eru við samt nokkuð mikið farin að hugsa að komast heim í „okkar „ umhverfi en það eru bara 6 dagar því við komum þann 28 heim þá er ferðadagurinn langi sem hefst að morgni hér í Kína og líkur síðdegis þann sama dag á íslensku tímabelti ca 14 tímum síðar eða svo.
Systurnar sváfu vel í nótt og við urðum að vekja þær um hálf átta til að fara í morgunmat. Auður Edda vaknaði með bros á vör og Sigga Bára líka auðvitað. Við tókum okkur góðan tíma en fórum síðan með leigubíl að The Bund sem er strandlengja meðfram ánni Huangpu sem skiptir borginni í helstu hverfi. Hún er stór og mikil og upp hana sigla skemmtiferðaskip sem dæmi. Sagt er að sjái maður ekki þetta svæði meðan á dvöl í borginni stendur sé það svipað og að sjá ekki Forboðnu borgina eða Múrinn þegar dvalið er í Peking. Við tökum undir þetta, því strandlengjan er ótrúlega flott þar sem útsýnið er stórfenglegt með skýjakljúfum og minnismerkjum í allar áttir. Það er líka merkilega saga þarna að baki því þetta svæði er hluti af sögusviði hins svokallaða Opíum stríðs sem ríkti milli Evrópumanna og Kínverja síðari hluta 18 aldar ef við munum rétt. Verjum ekki tíma okkar að greina frekar frá því en kannski er það í takt við stöðu heimsins í dag að hús sem Bretar hertóku og notuðu sem bækistöð sína í þeim aðgerðum hýsir nú höfuðstöðvar Bank of China en Bretar eru á bak og burt sem fátækt lénsveldi sem fellur þeim vel. The Bund er í raun stórt göngusvæði sem í dag var yfirfullt af fólki sem notaði regnhlífar til að skýla sér frá þessu ca 40 stiga hita og sól og raka ekki má gleyma því. Við gáfumst upp eftir klukkustund, búin að drekka allt vatn sem tekið var með og orðin nær gegnsæ af svita svo það lak niður enni okkar. Þegar heim var komið í Kalda Húsið þá náðum við að láta Auði Eddu taka stuttan lúr. Í kvöld var svo farið á ríkisrekinn veitingastað sem mælt hafði verið með í ferðamannahandbók. Það var ólýsanleg upplifun, einkum að vita að Maó hafi líklega sjálfur valið matseðilinn – sérstaklega andarvængir og fætur sem við óvart pöntuðum en Gyða var við það að fara að naga eitt bein þegar það kom í ljós að þetta voru þessi fallegu fit sem breiddust út eins og blævængur sem Siggu Báru fannst voða töff að skoða nánar – þarna var Attenborough live!!
Síðan var gengin sama leið og fyrr í dag nema núna í kvöldblænum ásamt hundruðum þúsunda íbúa og ljósadýrðin milljónir Osrampera!!
Bless í bú
Systurnar sváfu vel í nótt og við urðum að vekja þær um hálf átta til að fara í morgunmat. Auður Edda vaknaði með bros á vör og Sigga Bára líka auðvitað. Við tókum okkur góðan tíma en fórum síðan með leigubíl að The Bund sem er strandlengja meðfram ánni Huangpu sem skiptir borginni í helstu hverfi. Hún er stór og mikil og upp hana sigla skemmtiferðaskip sem dæmi. Sagt er að sjái maður ekki þetta svæði meðan á dvöl í borginni stendur sé það svipað og að sjá ekki Forboðnu borgina eða Múrinn þegar dvalið er í Peking. Við tökum undir þetta, því strandlengjan er ótrúlega flott þar sem útsýnið er stórfenglegt með skýjakljúfum og minnismerkjum í allar áttir. Það er líka merkilega saga þarna að baki því þetta svæði er hluti af sögusviði hins svokallaða Opíum stríðs sem ríkti milli Evrópumanna og Kínverja síðari hluta 18 aldar ef við munum rétt. Verjum ekki tíma okkar að greina frekar frá því en kannski er það í takt við stöðu heimsins í dag að hús sem Bretar hertóku og notuðu sem bækistöð sína í þeim aðgerðum hýsir nú höfuðstöðvar Bank of China en Bretar eru á bak og burt sem fátækt lénsveldi sem fellur þeim vel. The Bund er í raun stórt göngusvæði sem í dag var yfirfullt af fólki sem notaði regnhlífar til að skýla sér frá þessu ca 40 stiga hita og sól og raka ekki má gleyma því. Við gáfumst upp eftir klukkustund, búin að drekka allt vatn sem tekið var með og orðin nær gegnsæ af svita svo það lak niður enni okkar. Þegar heim var komið í Kalda Húsið þá náðum við að láta Auði Eddu taka stuttan lúr. Í kvöld var svo farið á ríkisrekinn veitingastað sem mælt hafði verið með í ferðamannahandbók. Það var ólýsanleg upplifun, einkum að vita að Maó hafi líklega sjálfur valið matseðilinn – sérstaklega andarvængir og fætur sem við óvart pöntuðum en Gyða var við það að fara að naga eitt bein þegar það kom í ljós að þetta voru þessi fallegu fit sem breiddust út eins og blævængur sem Siggu Báru fannst voða töff að skoða nánar – þarna var Attenborough live!!
Síðan var gengin sama leið og fyrr í dag nema núna í kvöldblænum ásamt hundruðum þúsunda íbúa og ljósadýrðin milljónir Osrampera!!
Bless í bú
þriðjudagur, júlí 20, 2010
Fyrstu orðin á íslensku komin og það var KEX.
Það tók ekki langan tíma að kenna henni Auði Eddu fyrstu orðin sín á íslensku. Hún er mikill matáhugamaður og því kemur það okkur ekki á óvart að það varð Kex sem hún nefndi fyrst og síðan endurtók í sífellu þegar henni var gefið uppáhaldskexið sitt. En þegar leið á daginn þá fylgdu fleiri orð á eftir, þar á meðal Sigga Báa og Auður Edda og svo er hún farin að herma eftir á fullu og þá einkum því sem stóra systir gerir. Hún er rosalega dugleg og heldur endalaust áfram og passar vel upp á sitt.Fyrsta baðið var frekar stutt því var ekki vel tekið og var því frekar styttra en tilefni stóð til. Annars var það þannig að dagurinn í dag fór í ýmsa vinnu sem tengist frágangi á ættleiðingunni við héldum áfram að undirrita hina ýmsu pappíra í tugum eintaka og síðan fengum við vegabréfið hennar og slatta af myndum til að nota þegar kemur að því að fá áritun fyrir hana heim. Smá mistök urðu í frágangi á endanlega pappírnum um ættleiðinguna þar sem smá stafsetningarvilla hafði lætt sér inn í kerfið svo við fáum það gagn ekki fyrr en síðar í vikunni.Samt er formlega búið að óska okkur til hamingju með allt. Sigríður Bára stendur sig sem hetja og fékk að taka Bróa og Pabba í sund og nutum við þess að synda og þræða hina ymsu potta og gufur sem eru á svæðinu. Síðan var farið út að borða sem fyrr og eins og alltaf þá urðum við ekki fyrir vonbrigðum þar, það er frábær matur hérna er menn á annað borð eru hrifnir af asíumat. Þessi borg er svo hreinleg og þrifaleg og ekki síður en í Peking þá liður manni vel og öryggistilfinningin er bara jafnvel meiri en í Teigunum. Morgundagurinn verður rólegur, reynum að sofa út ef það tekst, það var frekar stuttur svefn í gær, sú stutta vaknaði nokkuð oft og hafði skilað kröftulega frá þér góðum málsverði þannig að ráðast varð i smá aðgerðir af þeim sökum, það hefur síðan heldur lagast þegar leið á daginn. Eftir kvöldverðin gengum við heim á leið og Sigga Bára spurði um það hvort við værum ekki að koma í kalda húsið. En þar er vísað til þess að loftkælingin á hótelinu er með þeim kröftugri. Auður Edda og Sigga Bára liggja núna báðar sofandi í rúminu hlið við hlið og mikið er það falleg sjón. Þessar dömur eru fjársjóðurinn okkar.
Bless í bú
Bless í bú
mánudagur, júlí 19, 2010
Stori dagurinn er runninn upp.
Það var mikil spenna þegar við vöknuðum í morgun vitandi að fjölskyldan myndi stækka innan fáeinna stunda. Við reyndum að fá okkur smá morgunverð en matarlyst okkar hefur eflaust alltaf verið meiri og betri en í morgun. Eftir að hafa tekið til dótið okkar og týnt til öll þau gögn og fylgidót sem þurfti þá fórum við niður í hótelafgreiðsluna til að bíða eftir að verða sótt.Lína leiðsögumaðurinn okkar var kominn og beið okkar ásamt bílstjóra.Ferðin á heimili Auðar Eddu sóttist vel, Lína skýrði út fyrir okkur hvað nöfn hennar merkja á kínversku en það hafði ekki gengið vel hjá okkur að fá góða merkingu í það áður. Wu hefur ekki sérstaka merkingu, Jin þýðir gull og Fang þýðir sætur ilmur af blómi. Það var gott að hafa þetta í huga þegar við komum á barnaheimilið. Það var fallegt heimili, vel hirt, snyrtilegt og umgjörð öll til fyrirmyndar. Tekið var á móti okkur og okkur vísað inn í biðherbergi. Þar var verið að ganga frá ættleiðingu fyrir þrjú önnur börn og ekki minnkaði spennan við það.Kalli var beðinn að byrja að fara yfir nauðsynleg gögn og undirrita einhverja tugi af pappírum sem okkur var sýnd þýðing af á ensku og síðan voru það táknin góðu sem skrifað var undir.Kannski veit maður síðar á lífsleiðinni hvað þetta þyðir allt saman námkvæmlega. Við urðum síðan bæði að undirrita fullt af eintökum og loks fór eitthvað að gerast, Brói og Edda biðu frammi og urðu þannig fyrst til að sjá hana þegar komið var með hana. Allt myndað í bak og fyrir og vonandi skilar það sér frá okkur fljótlega. Þvílík fegurð og þegar hún kom. Hún virtist þekkja okkur sem við teljum að sé vegna þess að við höfðum sent myndir af okkur öllum. Hún fór beint í fangið á Mömmu sinni og þaðan hefur hún varla farið aftur. Hún er alveg æðislega góð og falleg og blíð og það fyndna er að hún er svo lík stóru systir. Sigga Bára er svo blíð og góð við litlu systir. Auður Edda er orðin hluti af okkur og það er ólýsanleg tilfinning. Hún var leyst út með fallegum gjöfum, frá heimilinu, myndabók með myndum af henni og ýsum vinum. Þegar ferlinu lauk á heimiliu þá fórum við heim á hótelið og áttum góða stund þar sem hún lék við hvurn sinn fingur. Mamma fékk fyrsta kossinn í bílnum á leðinni en Pabba heima á hótelinu stuttu síðar.Hún reynir að herma eftir stóru systur með fullt af hlutum sem er virkilega flott að sjá.Hún er dundari og leikur sér með hluti í ró og næði og ELSKAR AÐ BORÐA. Fyrstu eftir stuttan lúr þá er hún komin á fullt aftur. Skrifum seinna á morgun.
Brói og Edda biðja að heilsa öllum og takk fyrir fallegar kveðjur það er svo gaman að lesa kveðjurnar!!
Bless í bú
Fyrsti dagurinn síðari hluti, þá eru þær systur sofnaðar, báðar að sjálfsögðu klæddar í eins náttföt sem þeirra yngri þótti virkilega flott, vildi reyndar fara í skónum upp í rúm líka sem kom ekki til greina að þessu sinni. Við héldum nú frekar rólegan dag á herberginu enda skiptir miklu núna að tengslamyndun okkar takist sem best. Mamman er vinsælust en Pabbinn og Sigga Bára fá smá athygli líka og Brói og Edda verða að halda aftur af sér í því að knúsa ekki í tætlur þessa sæta dömu. Hún er alveg ótrulega flott stúlka, leikur sér og dundar og raðar hlutum fram og til baka.Pabbinn sagði að þær þrjár prinsessurnar væru þá allar frekar ferkantaðar í háttum, vilja hafa alla hluti á réttum stað á réttum tíma. Sem betur fer eru ekki hringlaga takkar í lyftunni á hóteinu því annars kæmust þær ekki milli hæða. Kvöldmaturinn var ekki af verri kantinum við skelltum okkur bara á einn af veitingastöðum hótelsins og var það Japanskur veitingastaður sem varð fyrir valinu að þessu sinni. Frábær matur sem fyrr og sú stutta borðaði mjög vel og naut þess að láta mata sig. Sú athygli kallaði á þörf á því að slíkt hið sama yrði gert fyrir Siggu Báru sem Pabbinn tók því að sér. En semsagt núna eru gömlu hjónin farin að þreytast og fara að sigla í svefn því við vitum ekki hversu langur hann verður í kvöld. Á morgun verður haldið áfram að ganga frá pappírum, hittum einhverja sýslunarmenn og undirbúum með vegabréfið fyrir hana.Kannski verður myndin af henni jafn eftirminnileg og sú sem prýðir kínverska vegabréf Siggu Báru.
Brói og Edda biðja að heilsa öllum og takk fyrir fallegar kveðjur það er svo gaman að lesa kveðjurnar!!
Bless í bú
Fyrsti dagurinn síðari hluti, þá eru þær systur sofnaðar, báðar að sjálfsögðu klæddar í eins náttföt sem þeirra yngri þótti virkilega flott, vildi reyndar fara í skónum upp í rúm líka sem kom ekki til greina að þessu sinni. Við héldum nú frekar rólegan dag á herberginu enda skiptir miklu núna að tengslamyndun okkar takist sem best. Mamman er vinsælust en Pabbinn og Sigga Bára fá smá athygli líka og Brói og Edda verða að halda aftur af sér í því að knúsa ekki í tætlur þessa sæta dömu. Hún er alveg ótrulega flott stúlka, leikur sér og dundar og raðar hlutum fram og til baka.Pabbinn sagði að þær þrjár prinsessurnar væru þá allar frekar ferkantaðar í háttum, vilja hafa alla hluti á réttum stað á réttum tíma. Sem betur fer eru ekki hringlaga takkar í lyftunni á hóteinu því annars kæmust þær ekki milli hæða. Kvöldmaturinn var ekki af verri kantinum við skelltum okkur bara á einn af veitingastöðum hótelsins og var það Japanskur veitingastaður sem varð fyrir valinu að þessu sinni. Frábær matur sem fyrr og sú stutta borðaði mjög vel og naut þess að láta mata sig. Sú athygli kallaði á þörf á því að slíkt hið sama yrði gert fyrir Siggu Báru sem Pabbinn tók því að sér. En semsagt núna eru gömlu hjónin farin að þreytast og fara að sigla í svefn því við vitum ekki hversu langur hann verður í kvöld. Á morgun verður haldið áfram að ganga frá pappírum, hittum einhverja sýslunarmenn og undirbúum með vegabréfið fyrir hana.Kannski verður myndin af henni jafn eftirminnileg og sú sem prýðir kínverska vegabréf Siggu Báru.
sunnudagur, júlí 18, 2010
Fjölskyldan stækkar á morgun, þvílík spenna.
Það er óhætt að segja að spennan sé að magnast og tilhlökkun okkar er mikil, loksins eftir bið í fjögur ár erkomið að því að fjölskyldan stækki og við fáum litlu Auði Eddu í hendur. Til að dreifa huganum aðeins fórum við að skoða Expo sem er hérna í Shanghæ, Jói hafði bjargað okkur(enn á ný!) aðgengi að Íslenska skálanum og gott betur. Hreinn tók á móti okkur og gaman var að hitta þá Íslendinga sem þarna vinna og starfa og mikið ofboðslega var þetta flott hjá þeim. Í samanburði við mörg önnur lönd sem við sáum þá er skáli íslands einn sá alflottasti og mest Cool svo notuð sé besta og nærtækasta samlíking. Biðröðin til að skoða skálann hlykkjast um utan við hann og þótt hann sé ekki efst á lista þeirra vinsælustu þá bíða menn klukkustundum saman. Það er þess virði og við eigum að vera stolt af því að taka þátt í þessu, það upplifir maður og finnur þegar maður kemur á staðinn.Það eru víst ekki nema um 500 þúsund sem fara í gengum sýninguna á dag en okkur láðist að spyrja hversu margir á dag heimsækja okkar skála. Hitinn var reyndar alveg að gera útaf við okkur rétt undir 40 stigu, sól og mikill raki (úðað var yfir fólk vatni til að kæla á vissum stöðum, sjá myndir). Við vitum ekki hversu margir lítrar af vatni fóru í gegnum líkamskerfið en þeir voru amk margir. Brói kom með læknisfræðilega skýringu á því hvernig við getum séð að við séum búin að ná jafnvægi á vatnsinnihaldi líkamans, en ég man það ekki betur en svo að það átti að vera eitthvað svipað á litinn og ljós bjór og þann lit þekkjum við nú bara ágætlega núna. Eftir góðan dag á Expó tókum við okkur smá hlé á herberginu og síðan út að borða.
Þegar þessi orð eru sett inn á vefinn er klukkan að ganga 23, Sigga Bára ljósið okkar og hetjan í þessari ferð sofandi uppi í rúmi og einhversstaðar annarsstaðar í þessari borg hvílir lítill ungi í síðasta sinn á sínu heimili og nýtt upphaf að hefjast í hennar lífi. Megi allir englar varðveita hana þessa nótt og allar nætur sem á eftir koma.
Elsku Auður og Heiðrún til hamingju með daginn!!
Bless í bú
Þegar þessi orð eru sett inn á vefinn er klukkan að ganga 23, Sigga Bára ljósið okkar og hetjan í þessari ferð sofandi uppi í rúmi og einhversstaðar annarsstaðar í þessari borg hvílir lítill ungi í síðasta sinn á sínu heimili og nýtt upphaf að hefjast í hennar lífi. Megi allir englar varðveita hana þessa nótt og allar nætur sem á eftir koma.
Elsku Auður og Heiðrún til hamingju með daginn!!
Bless í bú
laugardagur, júlí 17, 2010
Kominn til Shanghæ og biðinn styttist ótrúlega mikið
Við fórum fyrir hádegi í dag frá Peking, Jói keyrði okkur. Þetta er bara ólýsanlegt hvernig þau hafa tekið á móti okkur og stjanað við okkur frá morgni til kvölds! Við vorum komin farsælega á leiðarenda síðdegis í dag.Ferðin gekk vel, flott flug með breiðþotu þótt flugið sé ekki langt eða rétt tæpar tvær stundir. Við fengum smá sjokk vegna þess hversu mikill raki er hérna og miklu meiri en í Peking.Þetta eru óíkar borgir hafa báðar sinn sjarma – Peking er meira Kína.Þessi vestrænni og væri samsetning þeirra sem þú mætir með öðrum hætti þá teldir þú þig vera á Manhattan. Þetta er svo flott borg að það er alveg ótrúlegt skýjaklúfar eru á allar hliðar og byggingar virkilega flottar og ekki miklar það þegar líða tekur á kvöld og lýsingar taka völdin. Eftir smá streð með herbergin þá fengum við strax eitt flott herbergi og vonandi annað á morgun(fyrir Bróa og Eddu) en þau sem við fengum fyrst úthlutað voru ekki sæmandi fyrir 5 stjörnu hótel. Stefnan var síðan tekin á bæinn eftir að hafa fengið leiðbeiningar frá starfsmönnum um hvar væri að finna góða staði fyrir mat og drykk.Við fengum okkur góðan göngutúr og enduðum síðan á góðum og flottum veitingastað og sættum dýrindis máltið utan dyra. Við skáluðum fyrir Dóru frænku því hún hafði alltaf stutt okkur dyggilega í orði og verki enda stórkostlega kona eins og allir vissu sem henni kynntust.Sigtryggur hafði samband við okkur fyrir brottför og vildi fá að bjóða okkur í góðan kvöldverð því Dóra hafi fram á síðasta dag talað og hugað svo mikið um þessa ferð okkar.
Stefnan á morgun er síðan tekin á Expo til að gera amk heiðarlega tilraun til að leiða hugann að einhverju öðru en mánudeginum.Við fengum að vita í dag að við fáum Auði Eddu í hendur á mánudagsmorgunn, við erum ekkert eðilega spennt eins og gefur að skilja. Lina fararstjóri lofar góðu!
Bless í bú!!
Stefnan á morgun er síðan tekin á Expo til að gera amk heiðarlega tilraun til að leiða hugann að einhverju öðru en mánudeginum.Við fengum að vita í dag að við fáum Auði Eddu í hendur á mánudagsmorgunn, við erum ekkert eðilega spennt eins og gefur að skilja. Lina fararstjóri lofar góðu!
Bless í bú!!
föstudagur, júlí 16, 2010
Sigga ræður deginum með Pabba og Bróa.
Þá er komið að lokum þessa dags sem hefur verið virkilega skemmtilegur.Við skiptum liði, konurnar fóru í verslunarferð (Jói og Jóna fóru með dömurnar til klæðskera en afraksturinn verður sýndur við komuna aftur til Peking) en Sigga Bára fékk Pabba sinn og Bróa og síðar um daginn Jóa líka til að stjórna. Það fórst henni vel úr hendi. Við byrjuðumá virkilega skemmtilegur sædýrasafni þar sem allir heimsins fiskar voru til sýnis og ekki var það til að minnka gleðina þegar næstum því alvöru hafmeyjar syntu um innan um hákarla, skjaldbökur og hina ýmsu flat- og skrautfiska. Þetta fannst Siggu ótrulega flott og við áttum góðan dag þarna.Sigga vann svo dæmigerða skrautmynd í verðlaun (gegn vægu gjaldi). Síðan var haldið í smá skoðun í rafeindamarkað en lítið keypt. Mestan hluta dagsins vörðum við síðan í stórskemmtilegum almenningsgarði þar sem fólk sat og spilaði á hljóðfæri, stundaði hinar ýmsu hreyfiæfingar, svaf á bekkjum eða veiddi fiska í tjörnum.Við fórum um allt og Sigga Bára lék sér með börnum á leikvelli og naut vel, nokkrir ísar runnu niður ásamt ýmsu öðru góðgæti. Núna tók hún sér smá lúr og bíður þess að mamma komi heim. Siðan þurfum við að pakka saman dótinu okkar i kvöld og ákveðna hvað við tökum með okkur til Shanghæ þangað sem við fljugum á morgun. Við vitum því ekki alveg hvenær við setjum inn næsta blogg frá okkur en vonandi verður það strax á morgun þegar við höfum komið okkur fyrir á hótelinu.
Bless í bú
Bless í bú
fimmtudagur, júlí 15, 2010
Missti tönn á Kínamúrnum
Kínamúrinn skoðaður.Fátt er það í Kína sem er betur þekkt en Kínamúrinn sjálfur. Það er alveg ólýsanleg tilfinning að sjá múrinn og hvað þá að eiga tækifæri á því að klífa hann og ganga.Að þessu sinni gekk fremur hægt hjá okkur að komast á leiðarenda, fyrst tókum við reyndar einn hring um Olympiusvæðið og Hreiðrið er magnað að sjá auk þess sem blái ísklumburinn sem er sundstaðurinn er magnaður að sjá.Kínverjar mega eiga það að þeir greinilega leyfa arkitektum að framkvæma hugmyndir og þessi gamla ímynd af köldum gráum kubbahúsum á amk ekki við um Peking. Okkar tilfinning er að þetta er mögnuð borg sem flestir ættu að setja sér markmið um að heimsækja.En þetta var útidúr því við vorum á leiðinni að skoða kínamúrinn.Það var mikil umferð og tafir þannig að ferðinn uppeftir sóttist hægt auk þess sem það byrjaði að rigna í þokkabót.Heldur var því útsýnið dapurt en það varð einhvern veginn magnþrungið engu að síður.Þessi tilfinning að ganga á þessu mannvirki sem byggt var af mörgum höndum en fábrotnum verkfærum og hlykkjast um hæðir og hóla. Við fórum ansi hátt og nutum þess í botn. Hápunkturinn var síðan þegar Keisaraynjan eftir nokkra áskorun kippti úr sér einni tönn því það er flott að vera fyrst til að missa tönn á múrnum, toppið það !. Síðan var gert stutt stopp og einn góður kínverskur bjór eða tveir drukknir og smá leikið sér sem ferðamenn og keypt aðeins af smáhlutum sem tengjast landi og þjóð. Heimferðin gekk mun betur hjá okkur en við vorkenndum mörgum sem við mættum sem sátu fastir á leiðinni vegna umferðartafa. Eftir að í borgina var komið þá fórum við á veitingastað sem í minningu okkar var með bestu Pekingönd sem við höfðum fengið og minningin var rétt, þvílíkur unaður. Þetta er staður sem við höfðum farið á 2005 og verið svo forsjál að taka upplýsingar með okkur.Við fengum gott herbergi fyrir okkur og mæltum okkur mót við Hrund, Skarpa og Guðmund. Góður matur og góður félagsskapur, klikkar ekki.Eftir það þá var haldið í smá sýnisferð um borgina að kvöldlagi. Við fórum á stað þar sem næturmatur er eldaður á götu úti og þar mátti fá sér snáka, engissprettur, silkiorma svo fátteitt sé talið, lyktin oft óbærileg en forvitnilegt að sjá svona framandi grillpinna. Eitthvað rafmagnsleysi var í bænum þannig að torgið og jafnvel Maó máttu njóta kvöldsins án lýsingar sem eflaust er ekki að gerast oft. En núna er að nálgast miðnætti og við höldum í koju þreytt og sæl eftir daginn. Á morgun ætlarSigga Bára í Sædýrasafnið en það verður síðasti dagur í Peking í bili en á laugardaginn verður flogið í heimaborg Auðar Eddu – Shanghai.
Bless í bú!!
Bless í bú!!
miðvikudagur, júlí 14, 2010
Sumarhöllin
Ennþá einn dagurinn er að kveldi kominn.Við fórum og skoðuðum Sumarhöllina sem byggð var fyrir keisaraynju eitthvað um 1400.Glæsilegur staður og svakalega skemmtilegt að ganga um,skoða byggingarnar og þetta fallega umhverfi.Keisaraynjan átti náttulega ekki að þurfa frekar en hún vildi að láta sólina eða rigningu ná til sín og því var byggt yfir hana gönguleið sem síðan er skreytt vandlega með ýmsum merkum sögum sem td má finna í stórkostlegri þýðingu Hjörleifs Sveinbjörnsdonar sem kom út í fyrra um Apaóonginn. Sagan og menningin er eiginlega hvergi meira áberandi en þarna. Enn eitt sem vekur alltaf aðdáun okkar er hversu hreint og fallegt allt er, ekkert rusl á götum og mikið lagt uppúr því að hafa hluti snyrtilega og blómum skreytta. Peking er eiginlega mjög tignarleg borg hvort sem allir leggja sama skilning í það orð og við höfum í huga. Eitt sem ekki er síður aðdáunarvert er að þér líður öruggum allaf hvar sem þú ferð, því þú þarft ekki að ganga með þær áhyggjur að verða rændur eða fjámunum stolið. Vonandi tekst þeim að við halda þessu sem lengst því þetta erekkert í samræmi við þá tilfinningu sem almennt mennhafaþegar gengið erum stórborgir Evrópu sem dæmi
Sigga Bára stóð sem sem hetja í dag og gekk upp og niður þegar við fórum í hæstu hæðir til að skoða húsnæðið, snarbratt og góð æfing fyrir múrinn á morgun. Við lukum þessum degi með því að fara út að borða með Jónu og Jóhanni – þau hafa verið hreint út sagt einstök og þökkum við fyrir gestrisnina og félagsskapinn.
Núna er magnast spennan hjá okkur því það eru ekki margir dagar þar til fjölskyldan stækkar!!
Takk kæra fjölskylda og vinir fyrir falleg comment!
Bless í bú
Sigga Bára stóð sem sem hetja í dag og gekk upp og niður þegar við fórum í hæstu hæðir til að skoða húsnæðið, snarbratt og góð æfing fyrir múrinn á morgun. Við lukum þessum degi með því að fara út að borða með Jónu og Jóhanni – þau hafa verið hreint út sagt einstök og þökkum við fyrir gestrisnina og félagsskapinn.
Núna er magnast spennan hjá okkur því það eru ekki margir dagar þar til fjölskyldan stækkar!!
Takk kæra fjölskylda og vinir fyrir falleg comment!
Bless í bú
þriðjudagur, júlí 13, 2010
Forboðnaborgin og torgið himneska
Jæja þá er dagur að kveldi kominn og við loksins komin í hús eftir langa útiveru. Frábær dagur í alla staði hjá okkur við tókum daginn í Forboðnu borgina sem er auðvitað margra daga verk í raun en a.m.k vorum við að sjá miklu meira en við gerðum síðast þegar við vorum hérna. Jóna fór á kostum og sagði okkur skemmtilegar sögur og annað sem tilheyrði. Smá byrjunarerfiðleikar voru samt því leigubílinn fór með okkur að aðal útgangi forboðnu borgarinnar en ekki inngangi og þar á milli er ca 30 mín akstur sem þýddi að ferðin tafðist sem því nam. Þetta er hreint út sagt mögnuð upplifun að ganga þarna um en ennþá er innan við helmingur svæðisins sem er aðgengilegt almenningi. Eina sem hægt er segja er að þvílík gæfa að Maó og félagar höfðu styrk til að horfa á þetta svæði sem þess virði aðhalda því en ekki fylgja sterkri kröfu um að jafna það það við jörðu eins og talað var um að yrði að gera. Eftir ferðina um borgina þá tók við skoðunarferð um torgið himneska sem er ótruleg upplifun alltaf. Þar sem gömlu borgarhliðin kallast á við forboðnu borgina. Mikil öryggisgæsla er á svæðinu og meira áberandi núna en þegar við vorum hérna síðast og þarf að fara í gegnumlýsingu með farangur áður en farið er inn á torgið sjálft. Gengin upp að öxlum fórum við á hotelið hjá Skarpa og Hrund þangað sem Jói sótti okkur.
Síðan var okkur boðið í léttan málsverð hjá sendiherra og utanríkisráðherra ásamt starfsmönnum sendiráðsins sem var ótrúlega skemmtiegt, við sátum úti á verönd og áttum skemmtilegt spjall. Dagurinn á morgunn var lagður upp og núna látum við myndirnar tala sínu máli. Myndir á leiðinni.
Bless í bú
Síðan var okkur boðið í léttan málsverð hjá sendiherra og utanríkisráðherra ásamt starfsmönnum sendiráðsins sem var ótrúlega skemmtiegt, við sátum úti á verönd og áttum skemmtilegt spjall. Dagurinn á morgunn var lagður upp og núna látum við myndirnar tala sínu máli. Myndir á leiðinni.
Bless í bú
mánudagur, júlí 12, 2010
Annar frábær dagur
.Jæja þá er fyrsti dagurinn að lokum kominn og ekki er laust við mikla gleði hjá okkur eftir hann. Fyrri plön voru lögð til hliðar vegna veðurs og í stað fyrir skoðunarferð fórum við verslunarferð sem var í raun ekki síður upplifun.Dömurnar í hópinum fengu kúrs eða skemmri skýrn hjá Jónu í hínum ýmsu verðum, hvað væri boðlegt að greiða fyrir sokkaparið eða undirföt áður en við fengum okkur góðan göngutúr á Silkimarkaðinn eða prúttmarkaðinn eins og réttar væri að kalla staðinn. Þetta var ótruleg upplifun, aftur hjá okkur sumum, en í fyrsta sinn hjá öðrum. Tilboðin yrðu ekki eingöngu á góðum flíkum heldur fengu „yngri „ menn og síðan þeir elstu „Brói“ tilboð sem voru frekar freistandi og verða ekki skýrð á prenti. Þessir miðaldra með barnavagna þóttu hins vegar ekki fýsilegir kostir enda hlóðst á vagninn pokar með ýmsu innihaldi.Sigga Bára var nú ekki að stressa sig á þessu heldur tók sér góðan lúr um miðjan dag enda leiðinlegt að fara hæð úr hæð og sjá alltaf það sama. Kúrs Jónu gengur út á að greiða amk ekki meira en ca 30% af uppseldu verði.Við teljum eftir daginnað þeir sem fæddir eru í Vestmannaeyjum eigi betur með að aðlagast þessum siðum enda vita allir sem vilja vita að þar ríki ekki sama sýn á réttarkerfið og á „norðureyjunni“. Misjöfn gleði ríkti meðal sölukvenna þegar hópurinn birtist með Jónu gleði hjá mörgum yfir væntanlegum kaupum en .líka greinilegt að þær vissu að það yrði ekki auðveldur gróði. Jóna er þvílikt á heimavelli hérna. Á heimferðinni voru við síðan elt uppi af einhverjum sölukonum sem höfðu ótrúleg tilboð á sokkum sem féll í góðan jarðveg eftir nokkuð mikið samningaþref.
Frábært lok á deginum var síðan kvöldverður á Thai stað sem er nýlega opnaður í hverfinu sem við búum þar sem við nutum veitinga og drykkja fyrir sanngjarnt verð á íslenskan mælikvarða. Yngstu meðlimir hópsins þau Gumundur (sonur Hrundar og Skarpa) og Sigga Bára fóru á kostum og hafa skemmt okkur eldri með skemmtilegum tilsvörum og sýn á hina ótrulegustu hluti. Þau luku síðan deginum með tilheyrandi hætti og horfðu á Kung fu Panda.
Frábær dagur að kvöldi kominn og allir glaðir og samkvæmt „læknisráði“ þá þarf að fá sér einn drykkk, eða tvo fyrir svefninn meðan ákveðið er endanlega hvað skal skoða á morgun. Hvað það verður kemur í ljós í næsta pistli.
Bless í bú
Frábært lok á deginum var síðan kvöldverður á Thai stað sem er nýlega opnaður í hverfinu sem við búum þar sem við nutum veitinga og drykkja fyrir sanngjarnt verð á íslenskan mælikvarða. Yngstu meðlimir hópsins þau Gumundur (sonur Hrundar og Skarpa) og Sigga Bára fóru á kostum og hafa skemmt okkur eldri með skemmtilegum tilsvörum og sýn á hina ótrulegustu hluti. Þau luku síðan deginum með tilheyrandi hætti og horfðu á Kung fu Panda.
Frábær dagur að kvöldi kominn og allir glaðir og samkvæmt „læknisráði“ þá þarf að fá sér einn drykkk, eða tvo fyrir svefninn meðan ákveðið er endanlega hvað skal skoða á morgun. Hvað það verður kemur í ljós í næsta pistli.
Bless í bú
laugardagur, júlí 10, 2010
Komin til Peking
Ferðalagið gekk ótrúlega vel fyrir sig, flugið þægilegt og einstaklega flott að fara í gegnum Finnland. Við nýttum okkur að vera á lounge sem við erum með aðgangskort að sem kom sér vel, fínn matur og drykkur eins og hver vildi og þar má vera með börn líka. Flugið yfir til Kína er auðvitað ótrúlegt langt og ekki var nú mikið sofið, Sigga náði smá blundi sem betur fer en síðan fann hún fyrir ógleði við lendinguna og skilaði frá sér eithvað af annars góðum mat sem borin hafði verið fram. Við tók síðan ein flottasta flugstöð semvið höfum komið í og gekk þar allt skipulag fyrir sig og við komumst inn til Kina. Farangurinn skilaði sér allur vel nema kerran sem kom ekki og urðum við að leggja fram tilkynningu og fylla út einhverja pappíra og ennþá er kerran amk ekki komin í leitirnar og kínverjarnir telja að hún hafi jafnvel aldrei lagt af stað í ferðalagið með okkur heldur sé í keflavík, við sjáum hana eflaust aldrie aftur. Af þeim sökum þá skelltum við okkur í Friendship búð og keyptum ódýra kerru til að nota meðan við værum hérna. Sigríður varánægð með það og sofnaði sætt og vært og svaf mikið meðan með fengum okkur skemmtilegan göngutúr með Jóa og Jónu,Við fórum í hið svokallaða Hutong hverfi og sátum við vatn og fengum okkur hádegisverð, sterkan og góðan og horfðum á Pekingbúa njóta þess að sigla um á bátum á frekar skítugu vatni og menn voru jafnvel að synda í því sem við erum ekki alveg að ná. Þetta hverfi er byggt upp af fjölda smáhýsa sem eru í mesta lagi tvær hæðir og fullt af smáum götum hér og líf og fjör út um allt. Síðan fengum við okkur hressilega göngu upp í Drum Tower sem er frá 1272 og á rætur til keisaratímans þar sem drumburnar voru notaðar til að gefa borgarbúum tækifæri að vita hvað klukkan sló. Kínverjar notuðu hins vegar vatn til að vita nákvæmlega hvernig tíminn leið sem þeir höfðu byggt kerfi í kringumþað. Brói harkaði af sér og nýtti sér eitt af fjölmörgum almenningssalernum hérna en tæknin þar byggir á þessari fínu holu sem nýtt er til góðra verka. Best er að leyfa honum sjálfumað lýsa bæði aðbúnaði og samneyti við aðra gesti á staðnum, lyktin út ef næg minning fyrir okkur hin.
Að því loknu fórum við og gengum göngugötu sem er verslunargata önnur gömul og síðan ein sem byggð var sérstaklega fyrir Olympiuleikana.Við sjáum ýmilegar breytingar á borginni síðan 2005, búið að byggja mikið og gera ýmsar breytingar. Deginum var siðan lokað með góðum kvöldverði á stað sem Jói og Jóna völdu og buðu okkur með sér á.Frábær matur og góður félagsskapur en við vorum orðin virklega þreytt enda rúmur sólarhringur kominn í vöku. Þetta er ótrulega tilfinning að vera komin aftur hingað og okkur finnst ekki eins og fimm ár séu liðinn nánast upp á dag.Þetta er svo mikið ævintýraland og svo margt sem kallar athygli fyrir augu og eyru. Þetta er bara frábært.Sigga er auðvitað búin að standa sig vel, virkilega skemmtilegur ferðafélagi og ekki er laust við að hún njóti smá athygli hérna.
Síðan vöknuðu kalli og sigga til að horfa aðeins á úrslitaleikinn í fótbolta. Náðum að sjá lokahlutaleiksins og síðan framlengingu og sanngjarnan sigur Spánverja þótt við hefðum haldið með Hollandi því eins og Sigga sagði þar á Katrín Ágústa heima og þá heldur maður með þeim.
Við vitum ekki ennþá hvernig dagurinn verður því veðurspáin er slæm fyrir daginn í dag þannig að útlit er fyrir að fyrri áform um Sumarhöllina og Olympiusvæðið verður líklega að lúta í gras fyrir prúttmarkaði og verslunarferðum. Síðan á að batna veðrið þegar líður á vikuna. Það er búin að vera þokkalega rigning en samt hlýtt og gott veður eða um 29 stiga hiti.
Bless í bú
Að því loknu fórum við og gengum göngugötu sem er verslunargata önnur gömul og síðan ein sem byggð var sérstaklega fyrir Olympiuleikana.Við sjáum ýmilegar breytingar á borginni síðan 2005, búið að byggja mikið og gera ýmsar breytingar. Deginum var siðan lokað með góðum kvöldverði á stað sem Jói og Jóna völdu og buðu okkur með sér á.Frábær matur og góður félagsskapur en við vorum orðin virklega þreytt enda rúmur sólarhringur kominn í vöku. Þetta er ótrulega tilfinning að vera komin aftur hingað og okkur finnst ekki eins og fimm ár séu liðinn nánast upp á dag.Þetta er svo mikið ævintýraland og svo margt sem kallar athygli fyrir augu og eyru. Þetta er bara frábært.Sigga er auðvitað búin að standa sig vel, virkilega skemmtilegur ferðafélagi og ekki er laust við að hún njóti smá athygli hérna.
Síðan vöknuðu kalli og sigga til að horfa aðeins á úrslitaleikinn í fótbolta. Náðum að sjá lokahlutaleiksins og síðan framlengingu og sanngjarnan sigur Spánverja þótt við hefðum haldið með Hollandi því eins og Sigga sagði þar á Katrín Ágústa heima og þá heldur maður með þeim.
Við vitum ekki ennþá hvernig dagurinn verður því veðurspáin er slæm fyrir daginn í dag þannig að útlit er fyrir að fyrri áform um Sumarhöllina og Olympiusvæðið verður líklega að lúta í gras fyrir prúttmarkaði og verslunarferðum. Síðan á að batna veðrið þegar líður á vikuna. Það er búin að vera þokkalega rigning en samt hlýtt og gott veður eða um 29 stiga hiti.
Bless í bú
föstudagur, júlí 09, 2010
Þá er búið að pakka niður, pakka upp og aftur niður...
Það verður að segjast eins og er að það fylgir því ákveðinn léttir að loka töskunum. Í gærkvöldi vorum við búin að pakka öllu okkar dóti, svo hringdi Jói sem við munum gista hjá í Peking og sagði mér að fara aftur yfir töskurnar og taka upp helminginn!! Ég hlýddi honum auðvitað enda fyrrum yfirmaður minn og ég vön að hlýða! Satt að segja gat ég ekki með neinu móti fækkað kjólunum á dömurnar - hver og einn ómissandi en föt af mér og Kalla rötuðu aftur í sínar gömlu hillur og missa af því tækifæri að ferðast með okkur í þetta sinn.
Nema hvað núna liggur Sigga Bára uppi í rúmi að ræða málin við sína bestu vinkonu (hana sjálfa) það eru bara átta tímar þar til hún vaknar og fer til Finnlands og svo til Kína. Hún bætti við tveimur naglalökkum þessi elska rétt í þessu - hún kann að punta sig.
Ágústa vinkona mun sækja okkur í fyrramálið, skutla okkur til Bróa og Eddu þar sem Bjarni Davíð mun skutla þeim og svo verður ekið í einni halarófu upp á Leifsstöð þar sem við munum hitta snillingana Hrund, Skarpa og Guðmund ferðafélaga okkar.
Við biðjum því að heilsa í bili.
Bless í bú
Nema hvað núna liggur Sigga Bára uppi í rúmi að ræða málin við sína bestu vinkonu (hana sjálfa) það eru bara átta tímar þar til hún vaknar og fer til Finnlands og svo til Kína. Hún bætti við tveimur naglalökkum þessi elska rétt í þessu - hún kann að punta sig.
Ágústa vinkona mun sækja okkur í fyrramálið, skutla okkur til Bróa og Eddu þar sem Bjarni Davíð mun skutla þeim og svo verður ekið í einni halarófu upp á Leifsstöð þar sem við munum hitta snillingana Hrund, Skarpa og Guðmund ferðafélaga okkar.
Við biðjum því að heilsa í bili.
Bless í bú
miðvikudagur, júlí 07, 2010
Búið að pakka fyrir systurnar
Núna er búið að pakka niður í töskur fyrir systurnar. Sigga Bára tekur t.d. bara 12 kjóla með sér - er þetta eðlilegt - mamman átti bara einn kjól á hennar aldri!! Í dag fórum við fjölskyldan og fengum afhent vegabréfin sem voru skreytt fögrum áritunum og að sjálfsögðu öll gögn sem við þurfum að hafa meðferðis. Hrund ferðafélagi okkar gaf okkur svo táknmyndir með kínversku heitunum til að auðvelda tjáskiptin við Auði Eddu fyrstu dagana, takk fyrir það. Við erum búin að fá videovélar frá Þórhildi systir og sólargeislanum - takk líka fyrir það!! Og ekki má gleyma þeim 100 sögum og leikritum sem Kristín og Gústi létu Siggu Báru fá - þetta er allt komið í I-podinn - takk fyrir það. Sigurbjörg búin að galdra fram fegursta kúruteppi fyrir Auði Eddu - takk,takk. ÞÚSUND ÞAKKIR allir sem hafa sýnt okkur hluttekningu, stuðning og þolinmæði. Hér er reynt að dveljast í þakklæti í stað þess að dveljast t.d. í stressi, flughræðslu eða öðru sem án efa verður ástandið á laugardagsmorgunn!!
Jæja G&T komin í heimsókn,
bless í bú
Jæja G&T komin í heimsókn,
bless í bú
miðvikudagur, júní 30, 2010
Ferðaplan komið, flugseðlar keyptir og allt er að gerast!!
Jæja þá er þetta allt að gerast. Við fengum ferðaleyfið (TA) síðastliðinn föstudag og ferðaskipulagið í gær sem sést hér fyrir neðan:
Date Week Itinerary
Jul 15 Thu. Arrive in Beijing, a guide will receive you at the airport and send families to the hotel.
Jul 16 Fri. Visit the Great Wall, and have lunch near the Wall.
Jul 17 Sat. Visit the Summer Palace,
Jul 18 Sun. Transfer to adoption cities( Shanghai) by plane.
Jul 19 Mon. Receive the adopted child at adoption cities. The guide will help you buy some necessaries for the adopted baby.
Jul 20 Tue. Handle the adoption registration, notarization, passport process.
Jul 21 Wed. Shanghai: Visit Yuyuan, Chenghuangmiao, have a Chinese lunch.
Jul 22 Thu. Shanghai: Visit Jade Buddha Temple and Shanghai Bund.
Jul 23 Fri. Get the adopted child’s passports.
Jul 24 Sat. Return to Beijing by plane.
Jul 25 Sun. Go to Wangfujing Street for shopping.
Jul 26 Mon. Apply visa at Icelandic Embassy.
Jul 27 Tue. Get visa, visit the Beijing Zoo.
Jul 28 Wed. Departure.
Gengið var síðan frá flugi hjá frábæru bókunarfyrirtæki Visitor. Ferðaleiðin okkar verður gróflega á þessa leið en við höfum ekki enn fengið staðfestingu á flugi milli Peking og Shanghai:
10. júlí kl. 07:55 Keflavík - Helsinki– Peking
28. júlí kl. 10:55 Peking – Helsinki - Keflavík
Við forum því í loftið þann 10. júlí en akkúrat þann dag fyrir 5 árum fengum við hana Siggu Báru í fangið og því er þetta mikill lukku dagur. Við erum svo heppin að við munum búa hjá vinahjónum í Peking þann tíma sem við dveljum þar, hjá þeim Jóa og Jónu. Þau ætla að sýna okkur Peking með þeirra augum og er það sérstakt tilhlökkunarefni. Við stefnum á að fara á EXPO sýninguna líka í Shanghai.
Þann 19 júlí fáum við Auði Eddu í fangið. Byrjað er að þvo föt og undirbúa því dagarnir líða hratt. Sigga Bára er voða spent, þetta er síðasta vikan hennar í leikskóla og stórt ferðalag í vændum.
Bless í bú
Date Week Itinerary
Jul 15 Thu. Arrive in Beijing, a guide will receive you at the airport and send families to the hotel.
Jul 16 Fri. Visit the Great Wall, and have lunch near the Wall.
Jul 17 Sat. Visit the Summer Palace,
Jul 18 Sun. Transfer to adoption cities( Shanghai) by plane.
Jul 19 Mon. Receive the adopted child at adoption cities. The guide will help you buy some necessaries for the adopted baby.
Jul 20 Tue. Handle the adoption registration, notarization, passport process.
Jul 21 Wed. Shanghai: Visit Yuyuan, Chenghuangmiao, have a Chinese lunch.
Jul 22 Thu. Shanghai: Visit Jade Buddha Temple and Shanghai Bund.
Jul 23 Fri. Get the adopted child’s passports.
Jul 24 Sat. Return to Beijing by plane.
Jul 25 Sun. Go to Wangfujing Street for shopping.
Jul 26 Mon. Apply visa at Icelandic Embassy.
Jul 27 Tue. Get visa, visit the Beijing Zoo.
Jul 28 Wed. Departure.
Gengið var síðan frá flugi hjá frábæru bókunarfyrirtæki Visitor. Ferðaleiðin okkar verður gróflega á þessa leið en við höfum ekki enn fengið staðfestingu á flugi milli Peking og Shanghai:
10. júlí kl. 07:55 Keflavík - Helsinki– Peking
28. júlí kl. 10:55 Peking – Helsinki - Keflavík
Við forum því í loftið þann 10. júlí en akkúrat þann dag fyrir 5 árum fengum við hana Siggu Báru í fangið og því er þetta mikill lukku dagur. Við erum svo heppin að við munum búa hjá vinahjónum í Peking þann tíma sem við dveljum þar, hjá þeim Jóa og Jónu. Þau ætla að sýna okkur Peking með þeirra augum og er það sérstakt tilhlökkunarefni. Við stefnum á að fara á EXPO sýninguna líka í Shanghai.
Þann 19 júlí fáum við Auði Eddu í fangið. Byrjað er að þvo föt og undirbúa því dagarnir líða hratt. Sigga Bára er voða spent, þetta er síðasta vikan hennar í leikskóla og stórt ferðalag í vændum.
Bless í bú
fimmtudagur, júní 24, 2010
Til hamingju með 6 ára afmælið Sigga Bára
Elsku hjartans Sigga Bára Min til hamingju með 6 ára afmælið þitt. Mikið ertu búin að bíða eftir þessum degi, deginum sem þú verður stór, deginum sem þú ferð á skólaaldurinn.
Þú ert svo sannarlega stór inni í þér þó svo að mamma og pabbi sjái alltaf litlu stúlkuna sína og við erum búin að ákveða að sama hve gömul þú verður þá verður þú alltaf litla stelpan okkar.
Núna gerum við þennan dag að hátíðisdegi eins og þér sæmir!
Húrra fyrir Siggu Báru hún lengi lifi HÚRRA, HÚRRA,HÚRRA
Bless í bú
Ps. myndirnar voru teknar í kvöld út á Granda þar sem farið var með veiðistöngina í kvöldsólinni og dorgað!!
Þú ert svo sannarlega stór inni í þér þó svo að mamma og pabbi sjái alltaf litlu stúlkuna sína og við erum búin að ákveða að sama hve gömul þú verður þá verður þú alltaf litla stelpan okkar.
Núna gerum við þennan dag að hátíðisdegi eins og þér sæmir!
Húrra fyrir Siggu Báru hún lengi lifi HÚRRA, HÚRRA,HÚRRA
Bless í bú
Ps. myndirnar voru teknar í kvöld út á Granda þar sem farið var með veiðistöngina í kvöldsólinni og dorgað!!
fimmtudagur, júní 17, 2010
Þjóðhátíðardagur kom með stórkostlegar fréttir
Dagurinn í dag er búinn að vera frábær. Við fjölskyldan fórum niður í bæ með ömmu, Höllu Elísabetu, Álfrúnu, Steinunni Völu og Ernu Hrund. Fengum að fara í hoppukastala, pokahoppkeppni, snara naut, kaffihús, gefa öndunum brauð, fara á kaffi hús og svo auðvitað snuðsleikjó og helíum blaðra. Þetta er uppskrift að hinum fullkomna 17. júní. Í kvöld var svo farið til ömmu og afa en hefðin er sú að þau gefa okkur besta þjóðhátíðarmatinn og endað er á dýrindis marenge köku. Takk fyrir frábæran dag!!
En þetta er ekki allt því í pósthólfinu beið okkar besta gjöfin en það voru tillögur að ferðadagsetningum til Kína til að sækja okkar ástkæru Auði Eddu Jin, því miður var Sigga Bára sofnuð þegar við lásum skeytið en mikið verður hún glöð í fyrramálið!! Áætlað er að ferðin hefjist 15. júlí og heimkoma þann 28. júlí. Við munum ferðast með Bróa og Eddu sem verður bara gaman en óskin okkar er að fara tveimur til þremur dögum fyrr út til Peking til að njóta þess að vera túristar áður en skipulögð dagskrá hefst.
Núna er bara að fá þetta alveg 100% staðfest frá vinum okkar í Kína og kalla hátt og skýrt AUÐUR EDDA VIÐ ERUM ALVEG AÐ KOMA!!!
Bless í bú
föstudagur, júní 11, 2010
Það er erfitt að bíða
Það verður að segjast eins og er að biðin eftir litlu systir er farin að verða löng hér hjá okkur öllum. Sérstaklega þegar nýju myndirnar bárust okkur í fyrradag. Við hugsum daglega til Auðar Eddu Jin, biðjum fyrir henni og vonum að það skili sér alla leið til Kína í litlu sálina hennar.
Mamman vonar að ferðaleyfið komi í næstu viku því hún gæti ekki hugsað sér betri afmælisgjöf en grænt ljós til Shanghai.
Bless í bú
Mamman vonar að ferðaleyfið komi í næstu viku því hún gæti ekki hugsað sér betri afmælisgjöf en grænt ljós til Shanghai.
Bless í bú
miðvikudagur, júní 09, 2010
Nýjar upplýsingar um Auði Eddu Jin
Það var mikil gleði í morgun þegar tölvuskeyti barst frá Kína með nýjum upplýsingum um dömuna okkar og að auki tvær nýjar myndir. Hún hefur stækkað mikið litla ljósið frá þeim tíma sem hinar upplýsingarnar voru gerðar. Auður Edda er núna 82,5 cm. á hæð, vegur 10,5 kíló og hefur 20 tennur!!
Það kemur fram að hún labbar en er óvön að labba í stigum. Hún er dugleg að leika sér og farin að tala en þó ekki mikið. Hún er hrædd við ókunnuga og grætur ef þeir nálgast (svolítið mikið lík stóru systur þar).
Svo beið líka í pósthólfinu staðfesting frá Brian í Bandaríkjunum en hann hefur fundið mynd af Auði Eddu sem kornabarni, hann fann líka fyrir okkur mynd af Siggu Báru á sínum tíma.
Það verður að segjast að það er mikill systra svipur með Siggu Báru og Auði Eddu og sagðist Sigga Bára ætla að leyfa henni alltaf að vera með sér, líka þegar hún væri með vinkonum sínum. Það leið samt ekki langur tími þar til hún kom með fyrirvara - "Mamma en ég þarf sko líka stundum að fá frí!" Við erum svo viss um að hún Sigga Bára verður besta stóra systir sem hægt er að eignast og hún er alveg tilbúin í það hlutverk.
Lífið er gott og núna er beðið eftir laugardeginum en þá ætlar Sigga Bára að halda upp á 6 ára afmælið (á afmæli 24.júní) með vinkonum frá leikskólanum og búið að vera að undirbúa það í kvöld og dag enda stór áfangi að vera 6 ára.
Lífið er gott og mikið þakklæti hér hjá okkur öllum
Bless í bú
Það kemur fram að hún labbar en er óvön að labba í stigum. Hún er dugleg að leika sér og farin að tala en þó ekki mikið. Hún er hrædd við ókunnuga og grætur ef þeir nálgast (svolítið mikið lík stóru systur þar).
Svo beið líka í pósthólfinu staðfesting frá Brian í Bandaríkjunum en hann hefur fundið mynd af Auði Eddu sem kornabarni, hann fann líka fyrir okkur mynd af Siggu Báru á sínum tíma.
Það verður að segjast að það er mikill systra svipur með Siggu Báru og Auði Eddu og sagðist Sigga Bára ætla að leyfa henni alltaf að vera með sér, líka þegar hún væri með vinkonum sínum. Það leið samt ekki langur tími þar til hún kom með fyrirvara - "Mamma en ég þarf sko líka stundum að fá frí!" Við erum svo viss um að hún Sigga Bára verður besta stóra systir sem hægt er að eignast og hún er alveg tilbúin í það hlutverk.
Lífið er gott og núna er beðið eftir laugardeginum en þá ætlar Sigga Bára að halda upp á 6 ára afmælið (á afmæli 24.júní) með vinkonum frá leikskólanum og búið að vera að undirbúa það í kvöld og dag enda stór áfangi að vera 6 ára.
Lífið er gott og mikið þakklæti hér hjá okkur öllum
Bless í bú
fimmtudagur, maí 27, 2010
Útskrift Siggu Báru Min úr leikskóla
Í dag var útskriftardagur Siggu Báru úr leikskólanum. Dagurinn var stórkostlegur hjá henni en allur hópurinn fór í útskriftarferð á Skagann og nágrenni sem lauk með busli á Langasandi. Svo kl. 18 var hin eiginlega útskrift þar sem allir mættu í sínu fínasta pússi í hátíðarskapi. Börnin gengu svo fram ganginn við undirleik Michael Jackson og sungu og dönsuðu, fleiri söngatriði komu svo í kjölfarið, ræður, pizzu veisla og muffur sem þau bökuðu í gær. Vá hvað við erum búin að vera þakklát fyrir þessa stórkostlegu kennara sem Sigga Bára hefur haft undanfarin ár - það verður seint fullþakkað öll sú hlýja og hvatning sem hún hefur fengið þar svo ekki sé minnst á faglega starfið þar.
Mamman táraðist - viðurkenni það fúslega en þetta er bara stórt skref!!
Litla stóra ljósið okkar er sofnað svo óendanlega glöð.
Bless í bú
miðvikudagur, maí 19, 2010
Það er lítil stúlka sem bíður
Núna er hægt að greina frá því að fjölskyldan stækkar bráðum. Við skrifuðum undir í dag LOA eða samþykki fyrir að ættleiða yndislega stúlku sem við höfum nefnt Auði Eddu Jin, en kínverska nafnið hennar er Wu Jin Fang. Hún er fædd þann 19.desember árið 2007 og býr í Shanghai.
Við erum núna orðin mikið spennt yfir að fá að hitta hana þó svo að allt ferlið okkar hafi gengið ótrúlega hratt hingað til. Upplýsingarnar bárust okkur á síðasta vetradag þannig að hún er stóra sumargjöfin okkar.
Sigga Bára er ofboðslega spennt og stolt. Getur varla beðið eftir því að fá litlu systir í fangið en aðal málið hjá henni er hvort hún geti ekki örugglega haldið á henni. Auðvitað getur hún það enda að byrja í grunnskóla í haust!
Núna biðjum við til guðs að allt gangi vel í framhaldinu hjá okkur og að við fáum fljótt að hitta litla ungann okkar.
Bless í bú
Við erum núna orðin mikið spennt yfir að fá að hitta hana þó svo að allt ferlið okkar hafi gengið ótrúlega hratt hingað til. Upplýsingarnar bárust okkur á síðasta vetradag þannig að hún er stóra sumargjöfin okkar.
Sigga Bára er ofboðslega spennt og stolt. Getur varla beðið eftir því að fá litlu systir í fangið en aðal málið hjá henni er hvort hún geti ekki örugglega haldið á henni. Auðvitað getur hún það enda að byrja í grunnskóla í haust!
Núna biðjum við til guðs að allt gangi vel í framhaldinu hjá okkur og að við fáum fljótt að hitta litla ungann okkar.
Bless í bú
laugardagur, maí 15, 2010
Fyrsta fótboltaæfingin - Áfram Þróttur
Hún Sigga Bára fór í morgun á sína fyrstu fótboltaæfingu (mamman búin að grátbiðja hana lengi að fara á æfingu) hjá Þrótti. Hún á góða vinkonu sem heitir Elísabet sem skoraði á hana að mæta og viti menn, inn á völlinn gekk Frammari en út af vellinum gekk Þróttari, búin að skora sitt fyrsta mark, búin að taka Þróttarahring með félögunum og öskra saman LIFI ÞRÓTTUR!!
Bless í bú
Bless í bú
fimmtudagur, maí 13, 2010
Vortónleikar yfirstaðnir
Sigga Bára tók þátt í vortónleikum tónlistarskólans í gær og stóð sig eins og sannur fagmaður allan tímann. Hún er búin að vera svo dugleg að æfa sig og foreldrarnir skilja bara ekki hvernig hún getur munað öll þessi lög í fallega kollinum sínum. Amma og afi komu og fylgdust með og svo afhentu þau henni fallega rós að tónleikum loknum - þau kunna að koma fram við prinsessu - enda amma drottning!!
Það er komið mikið vor í hug og hjarta. Pabbi er að fara til Stykkishólms í dag með afa og fleirum að spila golf en við mæðgur munum hitta Matthildi, Karólínu og Kristínu sem verður bara gaman.
Heimilið er búið að vera undirlagt en verið er að mála og snurfusa því ekki gefst tími til þess þegar hugsa þarf um fleiri dömur hér á bæ!!
Bless í bú
Það er komið mikið vor í hug og hjarta. Pabbi er að fara til Stykkishólms í dag með afa og fleirum að spila golf en við mæðgur munum hitta Matthildi, Karólínu og Kristínu sem verður bara gaman.
Heimilið er búið að vera undirlagt en verið er að mála og snurfusa því ekki gefst tími til þess þegar hugsa þarf um fleiri dömur hér á bæ!!
Bless í bú
laugardagur, apríl 24, 2010
Milljón hjörtu
"Það eru milljón hjörtu inni í mér núna. Jörðin er hjarta og pláneturnar eru hjarta"
Svona segir hamingjusöm lítil stúlka.
Svona segir hamingjusöm lítil stúlka.
fimmtudagur, apríl 22, 2010
Gleðilegt sumar
Sigga Bára Min óskar öllum gleðilegt sumar. Hún kvaddi veturinn í gær með því að syngja með yfir 200 jafnöldrum sínum í Háskólabíói, á vegum Menningarhátíðar Barnanna, en það var stórkostleg upplifun að hlusta á ungmenni landsins svona stillt, prúð og fjölhæf. Þarna sást líka hvað Sigga Bára er heppin með kennara en þær stöllur eiga mikið hrós skilið.
Núna er Sigga Bára að hoppa á trampólíninu með Agnesi vinkonu sinni, en þær eru búnar að vera þarna úti í 2 klukkutíma og ekkert fararsnið á þeim!!! Sigga Bára fékk ósk sína uppfyllta í morgun en sumargjöfin var þáttaröðin Jörðin, en hún elskar að horfa á dýralífs- og náttúruþætti, að auki allt með íslensku tali. Núna verður bara rætt um dýr á næstunni.
Á eftir verður farið í skírn fröken Karolínu, móðir Siggu Báru fékk þann heiður að verða guðmóðir hennar, kæra þakkir fyrir það.
Veturinn kvaddi með fyrirheit um dásemdar sumar.
Bless í bú
Núna er Sigga Bára að hoppa á trampólíninu með Agnesi vinkonu sinni, en þær eru búnar að vera þarna úti í 2 klukkutíma og ekkert fararsnið á þeim!!! Sigga Bára fékk ósk sína uppfyllta í morgun en sumargjöfin var þáttaröðin Jörðin, en hún elskar að horfa á dýralífs- og náttúruþætti, að auki allt með íslensku tali. Núna verður bara rætt um dýr á næstunni.
Á eftir verður farið í skírn fröken Karolínu, móðir Siggu Báru fékk þann heiður að verða guðmóðir hennar, kæra þakkir fyrir það.
Veturinn kvaddi með fyrirheit um dásemdar sumar.
Bless í bú
sunnudagur, apríl 18, 2010
Í gær missti Sigga Bára Min tönn númer tvö
Í gær fyrir utan Laugaveg 3 voru tvær vinkonur með lausar tennur að labba þegar ein sagði hissa við mömmu sína "Mamma ég var að missa tönn!!" hin horfði á og sótti eina tönn og sagði "Ég var líka að missa tönn!!" Svona eru vinkonurnar tengdar - Matthildur missti tönn nr. 2 fyrst og svo var keppnisandinn í Siggu Báru sem rak hana áfram!! Þetta var ótrúlega fyndið að fylgjast með þessu. Á meðan þessu stóð voru Kalli og Gústi að sækja trampolín fyrir Siggu Báru á Þingvelli og við Sigga Bára og Matthildur vorum á Laugaveginum ásamt Kristínu og Karolínu eðaldömu þar sem leitað var stíft að skírnarkrossi. Tennur fuku, krossinn fannst og svo var bara hoppað það sem eftir lifði dags.
Vorið er komið og sumarið alveg að koma - þarf kannski keppnisskapið hennar Siggu Báru
Bless í bú
Vorið er komið og sumarið alveg að koma - þarf kannski keppnisskapið hennar Siggu Báru
Bless í bú
sunnudagur, apríl 04, 2010
Gleðilega páska
Fjölskyldan byrjaði þennan páskadag mjög snemma. Mamman var mætt í kirkjuna kl. 7 til að undirbúa morgunkaffi fyrir kirkjugesti eftir morgunmessuna. Mikil stemming sem því fylgir. Amma kom og svo mætti prinsessan og faðirinn akkúrat þegar kaffið var komið á borð. Það var svolítið mikið brauð eftir þannig að brunað var í morgunsólinni niður á Tjörn og það voru margar fuglafjölskyldur sem mettuðu litlu maga sína úr hendi Siggu Báru. Sundlaugin var heimsótt og auðvitað var farið til frændsystkina í Holtinu þar sem Sigga Bára prufaði í fyrsta sinn að aka um í kassabíl - núna er það efst á vinsældarlistanum - held að allir viti hver þyrfti að ýta...það yrði ekki mamman!! Kvöldið var svo fullkomnað með ömmu, afa og Sigga Val þar sem ungfrúin stjórnaði skemmtilegum leik sem hún fann alveg upp á sjálf.
Ein tönn laus þessa dagana og 6 ára jaxlinn kominn nánast alveg upp, litla stóra stelpan okkar dafnar vel.
Bless í bú
Ein tönn laus þessa dagana og 6 ára jaxlinn kominn nánast alveg upp, litla stóra stelpan okkar dafnar vel.
Bless í bú
miðvikudagur, febrúar 10, 2010
Fyrsta tönnin farin
Jæja þá er það byrjað, fyrsta barnatönnin datt í dag og skottan er núna að byrjar að vera tannlaus. Þetta er auðvitað eitt merkið um aukin þroska og kemur í sömu viku og foreldrarnir fengu bréf frá borginni um að skrásetja skyldi dömuna í skóla sem fyrst. Siggu Báru fannst þetta auðvitað alveg frábært að fara í alvöru skóla með skólatösku og getur ekki beðið eftir haustinu.
Spennandi tímar og kannski þarf fjölskyldan bara að vera á fljótandi fæði um páskana því fáar tennur verði eftir, nei varla
Spennandi tímar og kannski þarf fjölskyldan bara að vera á fljótandi fæði um páskana því fáar tennur verði eftir, nei varla
fimmtudagur, desember 24, 2009
Gleðileg jól
Sigga Bára og fjölskylda óskar öllum gleðilegra jóla.
Aðventan hefur verið róleg og notaleg. Búið er að baka smákökur, búa til konfekt og gera jólaföndur. Sigga Bára er líka búin að taka þátt í tveimur tónleikum í fiðlunni og staðið sig eins og hetja, er farin að spila 8 lög!
Fyrsta tönnin losnaði líka á aðventunni og núna er pínu skrýtið að bíta í matinn finnst henni þannig að búast má við að lítil tönn verði eftir í einhverjum karamellubitanum um hátíðarnar.
Jólasveinninn kom í morgun og heimsótti Siggu Báru og söng daman fyrir hann Jólasveinar einn og átta. Núna er stefnan tekin til ömmu og afa í möndlugraut og svo verður það kirkjan í kvöld.
Gelðileg jól kæru vinir og fjölskylda
Sigga Bára Min og foreldrar
sunnudagur, nóvember 29, 2009
Fyrsti í aðventu
Góðan og gleðilegan hvítan sunnudag. Nýfallinn snjór er úti og Sigga Bára með pabba að sjá um að fuglarnir fái nóg að borða. Epli sett í tréin og fræpokar hanga eins og jólakúlur í trjánum.
Það er búin að vera skemmtileg stemming hjá Siggu Báru undanfarna daga. Piparkökumálun hjá ömmu er yfirstaðin, piparkökuhúsið skreytt og svo er búið að baka eina sort. Hún Sigga Bára er sannkallaður héraðsstubburbakari, mömmu til mikillar gleði. Hún deilir áhugamáli móðurinnar og kallar hástöfum þegar Nigela eða Jóhanna Vigdís birtast á skjánum!
Nema hvað hún er líka búin að hitta merkilega manneskju í mánuðinum og tók mamma mynd af því tilefni. Palli frændi hennar - sá mikli snillingur - hefur skrifað ævisögu Vigdísar Finnbogadóttur og bauð Siggu Báru í hóf til að fagna útgáfu bókarinnar. Þegar Sigga sér þessa mynd segir hún það sem Vigdís sagði þennan dag " Það sem kom fyrir mig getur komið fyrir allar litlar stúlkur líka!" og með þessi orð í huga labbar sú stutta teinrétt út í lífið.
Bless í bú!
föstudagur, október 30, 2009
Tíminn flýgur áfram
Það er svo gaman að vera til. Sigga Bára er búin að vera í Ensku húsunum með vinkonum sínum Matthildi, Stínu, Sunnu, Söru, Önnu Kristínu og Tótu. Auðvitað má ekki gleyma litlu englunum þeim Karólínu og Högnu. Já við vorum umvafin prinsessum þessa helgina.
Svo er Sigga Bára búin að vera mjög dugleg að æfa fiðluna og mamma má hafa sig alla við svo daman rjúki ekki á undan henni í lærdómnum. Hún er líka búin að fara á Söngvaseið með Þóru frænku - ekki amalegt það og svo fór hún líka í bíó með Matthildi - sáu myndina um hana Skellibjöllu.
Núna vorum við að koma frá Blómvangi. Fengum dýrindis súpu og sætan eftirmat. Alltaf gaman að hitta góða vini - við erum rík.
Bless í bú
Svo er Sigga Bára búin að vera mjög dugleg að æfa fiðluna og mamma má hafa sig alla við svo daman rjúki ekki á undan henni í lærdómnum. Hún er líka búin að fara á Söngvaseið með Þóru frænku - ekki amalegt það og svo fór hún líka í bíó með Matthildi - sáu myndina um hana Skellibjöllu.
Núna vorum við að koma frá Blómvangi. Fengum dýrindis súpu og sætan eftirmat. Alltaf gaman að hitta góða vini - við erum rík.
Bless í bú
mánudagur, september 28, 2009
Sigga Bára hjólaði ein og óstudd
Í dag eftir leikskóla fóru mamma og Sigga Bára út í skóla á hjólinu hennar Siggu Báru. Það sem er stórkostlegast við þessa ferð er að daman ákvað að hjóla ein og gekk svona vel. Hún þarf hjálp við að komast af stað en svo er hún óstöðvandi og hjólaði hring eftir hring. Mikið var mamma stolt af dömunni. Svo er hún líka svona klár í að stoppa, dettur út á hlið en stendur samt.
Þú ert bara snillingur Sigga Bára Min!!!!
Bless í bú
Þú ert bara snillingur Sigga Bára Min!!!!
Bless í bú
þriðjudagur, september 22, 2009
Byrjuð í nýjum skóla
Sigga Bára er byrjuð að læra á fiðlu og það er mjög spennandi. Mæðgurnar fóru í síðustu viku og versluðu fiðlu sem er lítl og falleg, alveg eins og tónlistarneminn. Foreldrarnir eru líka í námi til að byrja með og finnst þeirri stuttu gaman að fylgjast með sarginu í þeim en svo koma bara fallegir tónar frá henni.
Þetta verður spennandi vetur.
Bless í bú.
Þetta verður spennandi vetur.
Bless í bú.
þriðjudagur, ágúst 25, 2009
Síðasta leikskólaárið hafið
Sigga Bára er stór stelpa um þessar mundir. Góðir vinir á leikskólanum farnir í barnaskóla og hún því orðin stóra stelpan í leikskólanum. Þetta er ábyrgðarmikið starf , daman labbar teinrétt og skilur vel að hún er fyrirmynd og á leið í skólahóp. Það er ekki nóg að vera elst heldur er annað spennandi í nánd - tennurnar fara að detta!! Oft á dag koma spurningar spurningar hvenær hún missi fyrstu tönnina, ýtir svolítið á þær í neðrigóm og fylgist með örhreyfingum tannanna í speglinum. Jú maður er bara ekki frá því að þær hreyfist pínu, eða hvað? En daman er líka að hefja nám í fiðluleik sem er mjög spennandi. Fyrsta mæting er í næstu viku og mikið búið að spegulera. Eitt er víst að fingur eiga að vera hreinir og auðvitað eru allar fiðlustelpur í kjól með hárið uppsett. Búið er að týna mikið af rifsberjum og sulta, hún er svo iðin þessi stúlka og svo bíður okkar rabbabari sem daman og mamma eiga eftir að ákveða hvað skal gera með. Hún amma fór nefnlega með okkur mæðgur í sveitina um helgina og fylltum við poka af rabbabara - heppnar við.
Daman er sofnuð og á morgun er prinsessudagur með ömmu sem engann svíkur.
Bless í bú
Daman er sofnuð og á morgun er prinsessudagur með ömmu sem engann svíkur.
Bless í bú
föstudagur, júlí 10, 2009
Fjögur ár síðan við sameinuðumst
Lífið með Siggu Báru eru eintómir hátíðardagar og í dag er enn einn slíkur. Það eru í dag fjögur ár síðan við fengum hana Siggu Báru fyrst í fangið á Gloria Plaza hóteli í borginni Jiangxi. Litla píslin sem var létt eins og fjöður, með fallegu augun sín sem voru svo lífsreynd. Þakklætið er óendanlega mikið hjá okkur foreldrunum.
Gleðin heldur áfram. Í dag er fyrsti dagurinn okkar í fríi - tilhlökkunin hefur verið mikil. Það á að gera margt þessar fjórar vikur og því fékk daman nýja strigaskó því nú skal gengið, hjólað, sippað og hlaupið! Já hátíðardagar ótrúlega margir hér á bæ!!
Við pabbi erum svo heppin!!!
Bless í bú
Gleðin heldur áfram. Í dag er fyrsti dagurinn okkar í fríi - tilhlökkunin hefur verið mikil. Það á að gera margt þessar fjórar vikur og því fékk daman nýja strigaskó því nú skal gengið, hjólað, sippað og hlaupið! Já hátíðardagar ótrúlega margir hér á bæ!!
Við pabbi erum svo heppin!!!
Bless í bú
miðvikudagur, júní 24, 2009
Hún á afmæli í dag, hún á afmæli í dag....
hún á afmæli hún Sigga Bára, hún á afmæli í dag. Elsku hjartans dýrgripurinn okkar varð fimm ára í dag. Stórkostlegur dagur, sólin skein úti sem inni. Daman vaknaði hálf sjö stærri, vitrari og þroskaðri en kvöldið áður. Hún fór að skreyta kökur fyrir fjölskylduafmælið, fór í afmælisbaðið en lét ekki þar við sitja. Hún varð að fá Carmen rúllur líka fyrir leikskólann!! Það var því tekinn upp hárblásari og allt var sett á fullt, rúllurnar hitaðar, fundið pils sem snýst mikið og svo var mín tilbúin. Tilbúin til að vera stjarna dagsins og það var hún svo sannarlega. Fáninn dreginn að húni á leikskólanum og þar bakaðar pönnukökur fyrir afmælisbarnið. Svo tók næsta veisla við, vinkonur úr leikskólanum og Matthildur mættu í sannkallað prinsessu afmæli - þær voru allar svo flottar, það var dansað, farið í pakkaleik, út í garð og hoppað á trampolini. Svo tók næsta veisla við, öll ættin og vinir mættu til að fagna þessum merkis áfanga. Frændsystkini og vinir voru úti í garði að leika og pabbinn grillaði hamborgara. Þegar kominn var tími til að fara að hátta var FIMM ára daman orðin þreytt, svo ánægð með hvað margir komu og samfögnuðu með henni. Fyrir hönd dömunnar í draumaheimi þökkum við ykkur öllum fyrir frábæran dag.
Bless í bú
þriðjudagur, júní 23, 2009
Afmælið er á morgun
Ef þetta er ekki búið að vera stórkostlegt að fylgjast með og taka fullan þátt í þessum spennandi aðdraganda afmælisins !!!! Sigga Bára er búin að baka, skreyta kökurnar, smakka nammið ( sumt oftar en einusinni ), fara í gegnum morgundaginn í huganum og þykjustinni og meira að segja semja lag um eina stelpu sem á afmæli í júní!!!! Hve maður er ríkur að fá að upplifa tæra einlæga og sanna tilhlökkun með Siggu Báru
Þú ert bara best og flottust Sigga Bára!
Bless í bú
miðvikudagur, júní 17, 2009
"Það eru sjö dagar þangað til....
...og á morgun þegar ég vakna þá eru það sex dagar þangað til." Já það er vika í 5 ára afmæli Siggu Báru og ekki vandamálið að vekja þá stuttu á morgnanna - niðurtalningin er alveg á hreinu.
Við áttum frábæran þjóðhátíðardag fjölskyldan, löbbuðum í bænum og hittum góða vini, skrifuðum boðskort í afmælið til vinkvenna, settum á þau frímerki og svo var þeim skellt í póst. Síðan var farið í Garðabæinn til ömmu og afa. Það er ekki til betri staður til að vera á svo ekki sé minnst á þjóðhátíðarmat frú Ernu ömmu!! Hakkabuff og marenge ala ömmu Sí!! Sigga Bára borðaði svo mikið að mömmu var ekki farið að lítast á blikuna.
Eitt af því sem Sigga þurfti að gera fyrir svefninn var að naglalakka sig, bæði tær og fingur og sefur nú vært nýlökkuð og fín.
Hún er bara yndislegust í heimi og tilhlökkunin fyrir afmælið svo smitandi að maður er að springa úr spenningi sjálfur - er ekki gaman að vera foreldri??
Bless í bú
Við áttum frábæran þjóðhátíðardag fjölskyldan, löbbuðum í bænum og hittum góða vini, skrifuðum boðskort í afmælið til vinkvenna, settum á þau frímerki og svo var þeim skellt í póst. Síðan var farið í Garðabæinn til ömmu og afa. Það er ekki til betri staður til að vera á svo ekki sé minnst á þjóðhátíðarmat frú Ernu ömmu!! Hakkabuff og marenge ala ömmu Sí!! Sigga Bára borðaði svo mikið að mömmu var ekki farið að lítast á blikuna.
Eitt af því sem Sigga þurfti að gera fyrir svefninn var að naglalakka sig, bæði tær og fingur og sefur nú vært nýlökkuð og fín.
Hún er bara yndislegust í heimi og tilhlökkunin fyrir afmælið svo smitandi að maður er að springa úr spenningi sjálfur - er ekki gaman að vera foreldri??
Bless í bú
þriðjudagur, júní 02, 2009
Fjögur ár síðan við litum prinsessuna fyrst augum - á mynd

Það er eins og gerst hafi í gær að símtalið langþráða barst. Pabbinn var sá heppni sem svaraði í símann því mamman var ekki í símasambandi. Það var sól, fallegt veður og tréin græn.
Í dag skín sólin, kannski ekki úti en hérna heima svo sannarlega :-)
Kæru vinir í hópi 12 til hamingju með þennan merka dag, daginn sem við brostum hringinn og urðum ríkust í heimi!!!
Sara til hamingju með 5 ára afmælið þitt - Sigga Bára getur varla beðið eftir að verða jafngömul.
Bless í bú
mánudagur, apríl 13, 2009
Páskarnir
Núna eru páskarnir liðnir. Sigga Bára hafði hlakkað mikið til þessa helgidaga. Þetta byrjaði allt á afmælisveislu hjá Sigga Val en kappinn er núna orðinn 36 ára og ber aldurinn vel. Svo voru Bláfjöllin mikið heimsótt og hefur dömunni farið mikið fram, hætt að vera í beisli niður brekkurna og skíðar oft alltof hratt finnst mömmu!!! Á páskadagsmorgun hafði pabbinn útbúið skemmtilegan ratleik sem endaði niðrí þvottahúsi en eggið hennar Siggu var falið inni í þvottavél sem henni fannst mjög fyndið - en fyndnast af öllu var staðurinn sem hún hafði valið fyrir páskaeggið hennar mömmu - ÓHREINATAUSKARFAN var valið hennar og skríkti hún mikið þegar mamma þurfti að kafa langt niður til að finna fjársjóðinn!!
Núna er lítil dama mikið þreytt í rúminu sínu, búin að vera í fjöllunum, fara í sund og spila fótbolta með Telmu frænku OG horfa á Kína þáttinn í sjónvarpinu sem hún fylgist reglulega mikið vel með. Hún vill samt ekki búa í Kína því það er barasta ekkert vatn til þar (þátturinn fjallaði mikið um eyðimörkina) sussum svei.
Myndina tók afi af ljósinu okkar og fegursta páskaunga heims á afmælisdegi frænda heima á Strandvegi.
Bless í bú
sunnudagur, mars 01, 2009
Öskudagurinn og næstu dagar


Öskudagurinn var hreint út sagt frábær. Sigga Bára var aldeilis ákveðin í því að vera ógnvekjandi - ógnvekjandi SJÓRÆNINGI! Það var sama hvað mamma reyndi að gera hana skelfilega, ekkert gekk upp. Hún varð bara fallegri og fallegri því meira sem reynt var (hlutdræg finnst ykkur.......alveg sama :-)
Um helgina hefur daman farið á aldeilis skemmtilegt leikrit hjá áhugamannaleikhóp Mosfellsbæjar sem hiklaust er hægt að mæla með fyrir yngri kynslóðina. Takk fyrir okkur Matthildur, Kristín og Gústi.
Svo var mikil vor stemming í hverfinu áðan þannig að við mægður dustuðum rykið af hjólinu og daman hjólaði og hjólaði. Það er gaman þegar dagur lengist og gleðitímar einnig.
Bless í bú
mánudagur, febrúar 09, 2009
Febrúar mánuður og fyrsta bloggfærslan

Tíminn líður hratt. Jólin voru tær snilld þetta árið þar sem fjölskyldan tók sér frí fram í byrjun janúar. Jólaboð, jólaböll og jóla jóla. Nýtt ár er hafið, Sigga Bára er ekki lengur 4. ára heldur 4 og 1/2 árs - við gerum mikinn greinamun á þessu tvennu. Farið er að spá í tónlistarnám fyrir haustið og stefnan sett á fiðluna en það getur breyst eins og allt annað því hún er allt í einu farin að vilja setjast fyrir framan píanóið og spilar frumsamin lög sem mörg hver eru betri en önnur og öfugt. Hún elskar að baka Maríukökur (marenskökur), veit að stærsti vöðvi líkamans er rasskinnin, fer mikið á skíði, er farin að fara í heimsókn eftir leikskóla og fá vini í heimsókn. Sigga er mikið að ræða um Kína og Kínaland og hvað fólk er að gera þar. Í fyrsta sinn fyrir viku síðan benti hún á konu í sjónvarpinu sem var frá Kína sem hún hefur aldrei gert áður. Einvherjar spurningar eru um upprunann, hvernig hún fæddist og hvernig hún endaði hér á Íslandi. Það er gott að ræða þetta og gott að hafa lesið góðu bókina um Hjartagull fyrir hana, því hún er okkar Hjartagull og veit það!
Bless í bú
fimmtudagur, desember 11, 2008
Það er komin jólastemming í húsið - nema hvað!!
Stekkjastaur kom fyrstur, stinnur eins og tré. Hann laumaðist í fjárhúsin og lék á bóndans fé. Hann vildi sjúga ærnar, -þá varð þeim ekki um sel, því greyið hafði staurfætur, -það gekk nú ekki vel.


Já það er búið að skrifa Stekkjastaur bréf - hann fær að vita af því hvað Siggu Báru þykir vænt um hann og að hún vorkenni honum mikið að þurfa að vera úti í vondu veðri og í myrkrinu. Hún ætlar að gefa honum líka mjólkursopa og smáköku þegar hann á leið framhjá. Heppinn hann Sveinki að hafa svona flottan aðdáenda!
Hér fylgja nokkrar stemmings myndir af Jóladísinni okkar
Bless í bú
fimmtudagur, júlí 10, 2008
Þrjú ár síðan við eignuðumst Siggu Báru Min


Í dag eru þrjú ár síðan við eignuðumst Siggu Báru, þrjú ár síðann veröldin breyttist algjörlega. Það var á Gloria Plaza hóteli í borginni Nanchang, Jiangxi héraði, sem 7 foreldrar biðu taugastrekktir í speglasal á annrri hæð hótelsins eftir að fá að sjá verðandi dætur sínar, biðin var löng og seinkun varð á komu þeirra. Leiðsögumennirnir reyndu að stytta okkur stundir með skemmtiatriðum sem tókust misvel því það mátti ekki falla rykkorn að hjörtu allra stoppuðust ......skyldu þetta vera þær á leiðinni???? En svo komu þær vinkonurnar frá Fuzhou - sjö kraftmiklar hetjur og ein þeirra var okkar. Sú sem saug mest fingurnar, sú sem huggaði sig við að strjúka eyrun, sú sem var í alltof stórum skóm og sú sem grét hæst af öllum - það var dóttir okkar. Sú sem í dag brosir mest í heimi, hlær hæst af öllum, sú sem enn sýgur fingurna það er hún dóttir okkar hún Fu Ling Min.
Til hamingju með daginn kæru vinir úr hópi 12
Bless í bú
sunnudagur, júlí 06, 2008
Það er kominn gestur - óvelkominn gestur
Já það hlaut að koma að því að Sigga Bára fengi hlaupabóluna eftir alla þá "veiku" sem hafa verið í kringum hana. Það hefur verið langur aðdragandi að þessu hjá henni eða um tvær vikur þar sem hún er búin að vera með hita, slöpp og bara ólík sjálfri sér.
Bólurnar eru nokkrar og alltaf erum við að finna nýjar sem mamma er ekki lengi að mála bleikar - það vill nefnilega svo heppilega til að kremið sem borið er á vinkonurnar er BLEIKT.
Já það væri munur ef allir skjúklingar væru eins fallegir og Sigga Bára með bleikt málað andlit - líkist einna helst Indjánastúlku.
Bless í bú
Bólurnar eru nokkrar og alltaf erum við að finna nýjar sem mamma er ekki lengi að mála bleikar - það vill nefnilega svo heppilega til að kremið sem borið er á vinkonurnar er BLEIKT.
Já það væri munur ef allir skjúklingar væru eins fallegir og Sigga Bára með bleikt málað andlit - líkist einna helst Indjánastúlku.
Bless í bú
þriðjudagur, júní 24, 2008
Hún er 4. ára í dag



Sigga Bára Min er sko orðin 4.ára. Hún vaknaði í morgun brosandi út að eyrum og sýndi okkur foreldrunum hvað hún væri búin að stækka mikið þessa nótt. Hún tók sjálf þá ákvörðun að sofa ekki lengur í milli og hætta að sjúga fingurna.......já þegar við ætlum okkur eitthvað þá er það sko stórt. Sólin skein í dag og mamma sótti Siggu Báru snemma því allir vinirnir í leikskólanum voru á leið í afmælið og það átti eftir að blása blöðrur, tjalda úti í garði, klæða dömuna upp og svona ýmislegt. Allir vinirnir úr skólanum mættu og mikið rosalega var gaman hjá þeim. Það var leikið hlegið, hlaupið og ekkert rifist - þetta er sannleikur!!!! Svo voru auðvitað amma og afi og leynigestir litu við, Höddi vinur no.1 hjá Siggu, Selma og Bjarni Davíð.
Já núna er Sigga sofnuð - alveg uppgefin uppi í milli hjá mömmu og pabba, sýgur fingurna og dreymir vonandi vel.
Bless í bú
sunnudagur, júní 22, 2008
Það er niðurtalning....

Það eru í dag tveir dagar þar til litla daman verður 4.ára. Síðustu morgna hefur hún vaknað með bros á vör og spurt " Hver á afmæli í dag mamma?" og hingað til hefur það verið vonsvikin stúlka sem fer framúr - úff þetta er alltof lengi að líða þegar maður er svona lítill!!! En það er búið að bjóða leikskólavinum í afmæli, búið að búa til boðskort og senda þau, blöðrurnar tilbúnar og daman löngu tilbúin!!!!!
Á þriðjudaginn verður gaman að vakna þegar rétt svar við réttri spurningu fæst og sólin skín úr andlitinu hennar :-)
Bless í bú
sunnudagur, júní 01, 2008
Þrjú ár síðan við fengum myndina af Siggu Báru

Það eru liðin þrjú ár þann 2. júní síðan við fengum upplýsingamyndirnar af Siggu Báru. Þessi dagur er og verður mikilvægasti dagur okkar Kalla því þennan dag eignuðumst við Siggu Báru. Hún Sigga Bára er mikið náttúrubarn eins og sést á myndinni af henni - bara elskar blóm, búin að eignast lamb, búin að fara í fyrsta partýið eftir skóla með félögunum og er bara flottust í heimi!!
Við erum heppnust
Mamma og pabbi
sunnudagur, apríl 20, 2008
Vorið komið
Heimilislífið hjá SBM ber þess merki að vorið er komið. Sundlaugaferðum fjölgar stöðugt og sú stutta er farið að fara ein i rennibrautirnar og verður sífellt öruggari með sig.
Feðginardagurinn var haldinn þegar leikskólinn lokaði og var þeim gamla haldið við efnið meðal annars með tugum ferða í rennibrautina.
Ekki er síðan hægt að gleyma því að SBM hefur sofið fyrsta sinn hjá Ömmu og Afa við mikla gleði þar á bæ þar sem allt gekk vel eins vænta mátti. Fyrirhugaðar eru síðan fleiri gistingar á næstunni.
Feðginardagurinn var haldinn þegar leikskólinn lokaði og var þeim gamla haldið við efnið meðal annars með tugum ferða í rennibrautina.
Ekki er síðan hægt að gleyma því að SBM hefur sofið fyrsta sinn hjá Ömmu og Afa við mikla gleði þar á bæ þar sem allt gekk vel eins vænta mátti. Fyrirhugaðar eru síðan fleiri gistingar á næstunni.
laugardagur, mars 22, 2008
Gleðilega páska



Það er þreytt lítil stúlka sem sefur værum svefni núna. Það hefur margt verið gert í fríinu undanfarna daga. Sigga Bára er til dæmis búin að vera á skíðum en stór hluti fjölskyldunnar hefur hist upp í fjöllum og eytt þar deginum með kakó, brauð og sól í hjarta.
Dagurinn í dag var hátíðisdagur en litla frænka í Noregi ( en þannig talar Sigga alltaf um litlu Álfrúnardóttur) var skírð í dag í Hjallakirkju. Þetta fallega barn fékk það fallega nafn Halla Elisabet. Eftir skírnina og veisluna höfðu foreldrar Siggu Báru ekki samvisku til þess að setjast niður með bökur, tertur, spínatsalat og kransakökur í maganum þannig að allir fóru í útigalla. Sigga skellti sér á hjólið og hjólaði alla leið til Bróa og Eddu. Blessað barnið að eiga svona ofvirka foreldra..... En á morgun veit hún að það verður súkkulaði í morgunmat mmmmmmmmmm hverjum hlakkar ekki til að vakna :-D
Bless í bú
sunnudagur, mars 16, 2008
Önnur skíðahelgi - stólalyftan og allt





Já daman er orðin sjóuð á skíðum enda með einkakennara sér til halds og trausts og svo var ekki verra að Hemmi frændi skíðagúrú var á staðnum líka til að létta lund og veita góð ráð. Sigga tók tvistinn um helgina, fór bæði laugardag og sunnudag. Þar var hálfgert ættarmót, Hemmi föðurbróðir, Þórhildur móðursystir, Hrafkell spúsi, Júlíana og ekki má gleyma því að amma og afi litu við til að sjá litlu dömuna í bruni. Sigga Bára fór meira að segja nokkrar ferðir með pabba í stólalyftuna og var ekki vitund hrædd heldur söng allan tímann upp og niður líka.....mamman mikið hrædd. Látum nokkrar myndir fylgja með frá helginni. Sjáumst sem flest í fjöllunum um páskana ef veður leyfir :-D
Bless í bú
miðvikudagur, mars 12, 2008
Fyrsta skíðaferðin
Um helgina var farið á skíði í fyrsta sinn. Það byrjaði með smá undirbúningi þar sem feðginin fór með skíðabúnaðinn ( gula skó og gul skíði) í brekkuna á Hofi. Eftir að hafa fengið smá tilfinningu fyrir því hversu frábært það væri að geta rennt sér var ákveðið að hefja undirbúning að því að fara í alvöru brekku. Fyrir valinu var Skálafellið og þangað komum við í sól og blíðu. Sagt er að góð saga eigi ekki að gjalda sannleikans og það skal haft í huga við lesturinn hér á eftir. Foreldrarnir voru svo spenntir að komast upp í fjöll á skíðin sem hafa verið ónotuð síðan á Ítalíu 2004 að þau gleymdu heima stórum hluta af hefðbundnum hlífðarbúnaði. Það kom ekki að sök því veðurguðirnir höfðu ákveðið að það yrði logn og sól og nánast óbærilega heitt. Sú stutta var nú ekkert á því að fara að labba neitt eða vandræðast heldur það átti að fara beint í lyftuna, ekki málið og það var mikil gleði og hlátur þegar farið var upp hratt og langt á undan mömmu.... jú við vorum í skíðakeppni... Sú stutta var ekki lengi að heillast af því að fara hratt niður brekkuna með pabba sínum þetta var ótrúlega gaman og hún skyldi bara alls ekki afhverju það mátti ekki fara strax í stólalyftuna hún var þarna við hliðina og fullt af lausum stólum sem við gætum setið í og farið hátt upp og hratt.
Amma og afi höfðu keypt undratæki sem er einskonar beisli sem notað er við skíðakennslu og það er ekki laust við að það hafi virkað vel. Brunað var ferð eftir ferð og sú stutta alveg klár á þvi að ganga á skíðunum og athafna sig eftir daginn, ótrulega gaman sagði hún eftir daginn.
Það er alla vega ljóst að gefi æðri máttarvöld einhverja möguleika á því þá verður brunað á hverjum degi um páskana upp í fjall og útiveruna notið. Við gömlu vorum bara næstum búin að gleyma því hversu frábært þetta væri
Amma og afi höfðu keypt undratæki sem er einskonar beisli sem notað er við skíðakennslu og það er ekki laust við að það hafi virkað vel. Brunað var ferð eftir ferð og sú stutta alveg klár á þvi að ganga á skíðunum og athafna sig eftir daginn, ótrulega gaman sagði hún eftir daginn.
Það er alla vega ljóst að gefi æðri máttarvöld einhverja möguleika á því þá verður brunað á hverjum degi um páskana upp í fjall og útiveruna notið. Við gömlu vorum bara næstum búin að gleyma því hversu frábært þetta væri
mánudagur, febrúar 11, 2008
Aftur orðin stóra frænka - eiginlega stærsta frænka
Það var margt sem var að gerast þann 24. og 25. janúar hjá tveimur frænkum Siggu Báru. Lítil frænka fæddist í Noregi þann 24. janúar, frumburður Álfrúnar frænku og Viktors. Já núna er pabbi Siggu Báru orðinn afabróðir!!
Það þurfti ekki að bíða lengi eftir næstu frétt en degi síðar, 25. janúar eignaðist Sigga Bára enn aðra frænku heima á Íslandi uppi í sveit sem nefnist Grafarholt. Hún Bína guðmóðir og móðirsystir og Geiri eignuðust þriðju prinsessuna sína.

Það þurfti ekki að bíða lengi eftir næstu frétt en degi síðar, 25. janúar eignaðist Sigga Bára enn aðra frænku heima á Íslandi uppi í sveit sem nefnist Grafarholt. Hún Bína guðmóðir og móðirsystir og Geiri eignuðust þriðju prinsessuna sína.

Já hún Sigga Bára er rík lítil stóra frænka. Látum fylgja með mynd af Bínu dóttur sem við tókum í heimsókn þangað daginn eftir að hún fæddist og á fertugsafmæli móður hennar!!
Bless í bú
Ár Músarinnar gengið í garð


Sigga Bára kemur alltaf með góða frasa og núna í dag urðum við hreinlega að setja nokkra inn á síðuna. Þegar fjölskyldan sat og borðaði kvöldmatinn í kvöld hóf Sigga að segja frá atburðum dagsins og sagði okkur mjög alvarlega að vinkona sín í skólanum væri að fara til London bráðum með ömmu sinni og afa. Við spurðum hvort foreldrar hennar ætluðu ekki að fara með dóttur sinni til London en nei þá sagði Sigga að þau færu ein til Torrejeco!! Mamma endurtók Torrejeco en nei Sigga Bára varð að leiðrétta framburðinn sem var ekki rétttur hjá mömmu. Jebb London og Torrejeco - hvað eru börnin að ræða í hádeginu á leikskólanum annað en utanlandsferðir!!!!! Margar fréttir frá Kína hafa verið undanfarna daga vegna snjókomu þar í landi og eins og alltaf þegar Kínafréttir eru í sjónvarpinu hrópa allir upp og fylgjast með því sem þar kemur fram. Sigga Bára kallaði í síðustu viku " Ég sá hana, ég sá hana" og við spurðum hvern hún sá í fréttinni (mynd af fólki á járnbrautarstöð)? Jú hún sá konuna sem passaði hana í Kína það var þessi í "gulu peysunni", litla kraftaverkið okkar. Og svo er hlustað á Skilaboðaskjóðuna daginn út og inn, hún Sigga segir ekki fólki fréttir heldur segir hún fólki tíðindin, hún segir ekki að hún sé að grínast heldur er það djók og svo er það nýjasta sem sagt er oft á dag OH MY GOD!!!!
Já Sigga furðudvergur sem hitti í alvörunni Snigil njósnadverg og Dreitil skógardverg í gær!!! Hún var nefnilega alveg með það á hreinu að Gunni frændi "gerði leikritið" Ekkert smá gaman að fá að fara baksviðs og sjá allt gerast í alvörunni. Takk fyrir það Gunnar frændi Helgason!!
Bless í bú
Já Sigga furðudvergur sem hitti í alvörunni Snigil njósnadverg og Dreitil skógardverg í gær!!! Hún var nefnilega alveg með það á hreinu að Gunni frændi "gerði leikritið" Ekkert smá gaman að fá að fara baksviðs og sjá allt gerast í alvörunni. Takk fyrir það Gunnar frændi Helgason!!
Bless í bú
laugardagur, desember 15, 2007
Jólasveinar, piparkökuhús og frí
Það eru nokkrir jólasveinar búnir að gefaSiggu Báru í skóinn og mikið var það áhyggjufull lítil stúlka sem átti að fara að sofa svo að Stekkjastaur gæti komið inn um gluggann þegar hún væri SOFNUÐ EIN í herberginu og sett í skóinn hennar!! Mamma reyndi að róa hana og sagði að jólasveinninn væri pínu galdrakarl sem kæmi aldrei inn um gluggann heldur galdraði í skóinn standandi fyrir utan!! Svo er Sigga Bára búin að skreyta sitt eigið piparkökuhús og farin að maula pínu af því líka en ..... það setur bara karakter á meistaraverkið eins og annað sem snillingurinn gerir. Mary Poppins er í uppáhaldi og Sigga Bára er stöðugt í víðum kjólum dansandi og hoppandi af borðum með regnhlífina upp spennta - sú kann að galdra
Já núna mega jólin bara fara að koma finnst henni Siggu Báru sem er komin í jólafrí með mömmu og það verður sko gaman!!!!!
Bless í bú
Já núna mega jólin bara fara að koma finnst henni Siggu Báru sem er komin í jólafrí með mömmu og það verður sko gaman!!!!!
Bless í bú
sunnudagur, desember 02, 2007
Fyrsti í aðventu og spennan eykst
Núna nálgast jólin óðfluga og Sigga Bára er komin í mikið jólaskap. Á kvöldin eru lesin kvæði Jóhannesar úr Kötlum og mikið þarf hún Sigga Bára að ræða afhverju Grýla dó í lokin og allt það sem viðkemur jólakettinum. Jólalögin eru komin á hreint og stöðugt sungið Í skóginum stóð kofi einn. Í dag fórum við í Húsdýragarðinn á jólahlaðborð, mikið búið að undirbúa þá stuttu undir það að meðal veislugesta yrðu þau mæðginin jólasveinnin og hin eina sanna Grýla. Það var róleg stúlka sem hitti þau enda búið að ræða það að pabbi er lögga og getur sko vel ráðið við eina Grýlu!!! Þegar Grýla nálgaðist var mín kjörkuð og leyfði henni að halda á sér en þegar Grýla sagðist vilja fara með hana birtust tárin og var nóg var til af þeim á lager. En um leið og mamma tók við henni var allt komið í besta lag og hún skellti sér upp á svið með frænskystkinum sínum og söng af miklum krafti jólalög. Svo var farið til ömmu og afa í aðventukaffi sem gladdi þá stuttu mikið. Hún er mikið jólabarn hún Sigga Bára og stemmings stúlka - búin að baka eina sort - já hún bakar líka og búin að skreyta smá í herberginu sínu.
Bless í bú
Bless í bú
föstudagur, nóvember 16, 2007
Dagur íslenskrar tungu
Í dag tók Sigga Bára þátt í skemmtun á leikskólanum í tilefni af degi íslenskrar tungu. Litla daman var klædd eins og gömul kona (amma) og vinur hennar á deildinni sem gamall maður (afi) svo sungu þau hátt og snjallt "Afi minn og amma mín...." Hún stóð sig með prýði sú stutta og eigum við von á því að geta sett inn mynd af fyrsta performansinum (þetta orð sett inn af tilefni dagsins). Núna sitja þau feðginin saman og syngja lagið saman eða réttara sagt Sigga Bára er með einsöng og pabbi reynir í óþökk dömunnar að blanda sér í sönginn!
Nýjasta í málnotkun er Ota pota táfýla - veit ekki hvaðan það er svo er hún búin að fræða foreldrana um það að í gamladaga hétu buxur ekki buxur heldur BRÓK. Þar hafið þið það :-D
Bless í bú
Nýjasta í málnotkun er Ota pota táfýla - veit ekki hvaðan það er svo er hún búin að fræða foreldrana um það að í gamladaga hétu buxur ekki buxur heldur BRÓK. Þar hafið þið það :-D
Bless í bú
föstudagur, október 26, 2007
Já þetta gerist hratt......
Já hún Sigga Bára er í þessum orðum rotuð í sínu rúmi kl. 17:15 á staðartíma og í sínu herbergi. Móðirin var í sínu herbergi og var kallað á milli herbergja, svona góðlátlegt spjall þar til allt í einu er kallað "Þú ert KÚKALABBI" Jebb mamma kúkalabbi - bældi niður hláturinn og krafðist afsökunarbeiðni sem barst úr hinu herberginu um hæl. Hún var spurð hver kenndi henni þetta orð og jú hún sagðist hafa bara lært þetta sjálf - maður kemur auðvitað ekki upp um vini sína!!
Já snillingurinn hún Sigga Bára Min klikkar ekki frekar en fyrridaginn. Bless í bú
Já snillingurinn hún Sigga Bára Min klikkar ekki frekar en fyrridaginn. Bless í bú
laugardagur, september 29, 2007
Orðin STÓRA FRÆNKA



Já nú er hún Sigga Bára ekki Sigga Bára - nei, vinsamlegast ávarpið frökenina sem STÓRA FRÆNKA!! Hún hefur hreinlega fengið það stærsta hlutverk í lífi sínu til þessa. Olga litla móðursystir og Bjarkar eignuðust yndislega fallegan og stóran dreng á miðvikudag - Stóra frænka hefur fengið að hitta hann tvisvar og passar mikið upp á það að hún borði nú vel matinn sinn svo litli frændi verði ekki stærri en hún!!! Set hér inn myndir af litla frænda og svo fyrstu strætó ferð dömunnar með mömmu síðustu helgi - hún hreinlega brosti hringinn við að fá að sitja ein og ekki í neinu belti!!!!
Bless í bú
Bless í bú
Gerast áskrifandi að:
Færslur (Atom)
