Ég ætla að verða lögreglukona og slökkviðliðskona

Já það er búið að vera viðburðarík helgi hjá Siggu Báru. Hápunktur helgarinnar var án efa forvarnardagur Íslenskrar Ættleiðingar sem haldinn var á skólalóð Hlíðarskóla rigningar laugardaginn mikla. Fólk klæddi sig eftir veðri og hlustaði á lögregluna kenna litlu ungunum okkar hvernig þau og foreldrarnir ættu að haga sér í umferðinni og svo lærðu allir að ganga rétt yfir götu með nýju endurskinsmerkin sín. Hópurinn gekk svo í Skógarhlíð þar sem slökkvuliðið beið hópsins og fengu allir að skoða slökkvibíla, sjúkrabíla, fara um borð og svo voru allir leystir út með þessu líka fína barmmerki með honum Loga. Já ég held að það hafi margur unginn ákveðið ævistarf sitt þennan dag - allaveganna gerði fröken Sigga Bára það :-D
Bless í bú

Haustið er formlega komið

Já það má segja það að núna er haustið formlega komið til Siggu Báru Min. Hún er búin að fara víða í sumar og lenda í mörgum ævintýrum. Það síðasta var í Suðursveit þar sem afi Valur hélt upp á afmælið sitt - ungi maðurinn. Mikið var gert, farið í golf, skógarferð, berjatínslu og sund. Það var mikil umræða um tröllin sem búa í fjöllunum og þau vakna þegar börnin sofa. Sigga var hérumbil búin að vekja þau með gráti eina nóttina en viti menn "Hann pabbi minn er svo sterkur að tröllin eru hrædd við hann og svo komast þau ekki yfir grindverkið" - Hvað getur maður sagt við þessu - þetta var auðvitað allt rétt hjá snilla. Svo fékk hún að upplifa mikla sorg sem var svo ekki mikil sorg eftir allt. Lítill þrastarungi flaug á gluggan, rotaðist og dó. Sú stutta hlustaði á líkræðu Sigga Vals frænda og sagði að Guð (sem hún segir að sé stelpa) myndi taka fuglinn og hjálpa honum að fljúga aftur. Jebb það eru sko svör við öllu hjá Siggu Báru Min!!
Bless í bú

Afmæli vinkvenna í Hraunborgum

Vildum þakka vinum okkar fyrir frábæran dag í Hraunborgum. Veðrið lék við okkur, farið var í sund, leikið, grillað, sunginn afmælissöngur, blásið á afmæliskerti, afmæliskaka borðuð og allir fengu afmælispakkapakka :-D Þessi mynd er sú eina hópmyndin með þeim öllum 7 sem okkur tókst að taka af þessum yndislegu vikonum sem smell passa svo við hvor aðra að það hálfa væri nóg. Takk, takk, takk kæru vinir fyrir frábæran dag!!
Bless í bú

Berjatínsla og sumarbústaður

Jæja - núna erum við fjölskyldan búin að vera í sumarbústað í viku ásamt góðum gestum sem gerðu góða daga betri. Vinir og fjölskylda skemmtu sér saman í gönguferðum, golfi, heitapottsferðum og auðvitað BERJATÍNSLU. Því til sönnunar eru myndirnar hér fyrir neðan og fleiri myndir á leiðinni. Sigga Bára fór líka sinn fyrsta golfhring af mörgum en þar sýndi hún mikla hæfileika við að pútta!! Snillingurinn hún Sigga Bára er núna orðin 90 cm. skv. síðustu mælingum!!
Bless í bú

Kanntu afrínsku?

Sumt verður maður bara að setja niður á "blað" - þvílíku gullkornin sem hrynja af vörum elsku Telmu frænku. Þær voru í kvöld að hafa það kósí, með snakk í skál, teppi, horfa á Pétur Pan og kúra í sófanum þegar Telma stóra frænka (5 ára) spyr Siggu Báru " Sigga kanntu afrínsku?" Hmmm Sigga Bára bara starði á frænku og skildi ekki boffs í þessu - mamman kom inn í þetta og benti Telmu á að Sigga kæmi frá Kína en ekki Afríku - næsta spurning var því "Sigga kanntu þá Kína?" Semsagt núna þurfa mamma og pabbi að fara í kúrsinn "Lærðu kínversku á einni nóttu", barnið þarf auðvitað að kunna pínu í "Kína"
Bless í bú

Útilega á vegum ÍÆ

Albúm

Fórum um helgina í útilegu á vegum ÍÆ. Vorum og erum svo heppin að Matthildur og fjölskylda voru með heljarinnar fellihýsi sem við fengum að deila. Það var svo gaman að sjá hvað þessar litlu snúllur eru góðar vinkonur og gaman að sjá og hitta alla vini okkar sem mættu í útileguna. Það voru samt nokkrar pæjur sem við söknuðum en vonandi koma þær bara næst. Sigga Bára hafði mikið gaman af nammikarlinum sem er auðvitað stórkostlegur maður og svo var auðvitað diskóið!!!!! Klædd í pils og viti menn Lína var spiluð tvisvar!!!! Sigga Bára hoppaði af kæti og hljóp beint fyrir framan hátalarana í trans!! Takk kæru vinir fyrir okkur - það er rétt hjá Krístínu Vald. sem hún sagði"Maður eignaðist ekki bara þetta fallega barn heldur heilan hóp af góðum vinum með"
Bless í bú

Það eru tvö ár liðin frá kraftaverka ævintýradeginum mikla

Það eru liðin tvö ár í dag síðan við fengum Siggu Báru Min í fangið. Af því tilefni er búið að kíkja nokkrum sinnum á myndir frá þeim degi og upplifa þessa mögnuðu stund aftur í huganum. Hve erfitt þetta hefur verið fyrir lítinn unga að vera tekin úr umhverfi sínu og skellt inn í nýtt óþekkt umhverfi. Hve fljótt okkur fannst hún aðlagast okkur. Hve mikið okkur skjátlaðist þegar við vorum komin heim og sáum og fundum munin þegar hin sanna Sigga Bára kom í ljós. Hve yndisleg hún hefur verið frá fyrsta degi. Hve óendanlega okkur þykir vænt um hana.

Hún á afmæli í dag, hún á afmæli í dag...hún Sigga Bára

Já það var erfitt að sofna í gær því Sigga Bára vissi að þessa nótt myndi hún allt í einu verða 3. ára - allt í einu, sofna 2. ára og vakna 3. ára - hvernig gerist þetta eiginlega allt saman. Blessunin var vakin með söng foreldranna, bleik kaka og bleik kerti og pakki með bleikum dúkku stól til að setja á bleika hjólið!!!! Sú stutta setti á bleiku Barbapabbakökuna og svo komu gestirnir :-D Frænkur, frændur, vinir, amma og afi - hún er rík hún Sigga Bára og hún veit af því. Það var sunginn söngurinn sem við höfum þurft að bíða svooooo lengi eftir og það sem var mesta sportið "afmælisbarnið fær fyrst af kökunni" jebb, klikkar ekki á smáatriðunum!!! Allir fóru út að leika, búið var að setja upp tjald, sápukúlur fyrir alla og svo var hlaupið út á leikskóla. Sú stutta er sofnuð núna í nýju bleiku náttfötunum sem hún klæddi sig alveg sjálf í því hún er sko 3. ára í dag.

Takk allir fyrir frábæran dag og elsku Sigga Bára TIL HAMINGJU MEÐ AFMÆLIÐ ÞITT !!!!

Bless í bú

Það er vika í afmælið og mikil spenna í gangi!!!!

Á morgun er vika í þriggja ára afmæli dömunar. Hún hefur ákveðnar skoðanir á því hvernig hlutirnir eiga að vera. Kakan á jú að vera bleik, það verður bleikur dúkur og bleikir diskar. Hún veit það líka og minnir stöðugt á það að afmælisbarnið fær fyrst af kökunni!!!!! Já hlutirnir eru á hreinu. Í morgun fékk mamma hana til að máta afmæliskjólinn, en auðvitað varð að setja bleiku vængina á líka og bleika töfrasprotann. Fjölskyldan fór líka í dag að skoða hjól sem unginn átti að fá í afmælisgjöf en við erum ör og keyptum hjólið í dag og daman fékk það afhent. Það má segja að hún hafi elst um a.m.k. tvö ár við það að hjóla á STÓRA hjólinu!!

Jæja nú er um að gera að finna allt það bleika sem mun prýða afmælið á sunnudaginn...... Sigga Bára þú klikkar ekki á smáatriðunum!!!!!

Bless í bú

Heiðmörk og vinir

Í dag fórum við ásamt ömmu Ernu í Heiðmörk. Þar var sumargrill og fjör Íslenskrar ættleiðingar. Þar hittum við marga vini okkar og skemmtum okkur vel. Aðstaðan er hreint út sagt frábær, við bara skiljum ekkert í okkur að fara ekki oftar í Heiðmörkina - núna verður bætt úr því :-D Svo var farið heim, labbað til Kobba vinar, versluð sumarblóm og svo var dagurinn toppaður með matarboði hjá Einari Erni og fjölskyldu en vinkonur Siggu Báru Min, þær Júnía og Laufey voru á landinu.

Það er þreytt lítil stúlka sem sefur núna vært enda hver væri það ekki eftir svona erilsaman dag!!!

Bless í bú

Það var fyrir tveimur árum síðan...

Það var fyrir tveimur árum síðan sem við hjónin sátum hér heima nýbúin að fá upplýsingar um litla stúlku sem beið okkar í Kína - það voru myndir af dóttur okkar henni Siggu Báru Min. Myndirnar sýndu lítinn unga sem stillt var upp í stól með gerviblómum og kanínumynd í bakgrunni - þetta voru fallegustu myndir sem við höfðum séð á ævi okkar. Núna tveimur árum síðar liggur þessi fallega stúlka uppi í rúmi sofandi búin að vaxa og dafna og gleðja líf okkar meira en okkur hefði nokkru sinni grunað. Takk, takk, takk Sigga Bára Min

Hátíð í Heiðmörk

Í dag fór Sigga Bára og mamma með leikskólanum í Heiðmörk. Sólin ákvað að vera með okkur í dag enda segir Sigga Bára að sólin sé vinkona sín sem eltir hana út um allt!!! Sigga Bára lék sér mikið með vinkonum sínum þeim Emmu og Elísabetu - hreinir snillingar þessar þrjár. Mamma kom þeim upp á lagið með að naga strá en það varð uppi fótur og fit þegar Sigga Bára fór að hósta - mamma gleymdi að segja að maður ætti ekki að setja þetta í magann heldur spíta þessu út úr sér. Sigga Bára var fljót að læra það enda eru Kínverjar meistarar í að hrækja og ég get sagt ykkur að þetta liggur hreinlega í genunum á þeirri stuttu. Svo var farið í leikskólann og grillað. Þær Sigga Bára og Elísabet voru á tánum í sandinum og nutu lífsins. Matthildur og Kristín eru að koma í heimsókn á eftir þannig að þessi dagur virðist ætla að heppnast vel.

Bless í bú

Jú jú hér er allt í fína frá Kína

Það eru foreldrarnir sem eru frekar óduglegir að setja inn á bloggið þrátt fyrir að prinsessan sé dugleg í að framkvæma nýja hluti á hverjum degi.. Hún er orðinn snillingur í dansi og hefur tekið miklum framförum á ótrúlega stuttum tíma. Setjið hljóðið á og njótið!! DANS

Jú jú hér er allt í fína frá Kína

Það eru foreldrarnir sem eru frekar óduglegir að setja inn á bloggið þrátt fyrir að prinsessan sé dugleg í að framkvæma nýja hluti á hverjum degi.. Hún er orðinn snillingur í dansi og hefur tekið miklum framförum á ótrúlega stuttum tíma. Setjið hljóðið á og njótið!! DANS

Komin heim eftir tveggja vikna stuð á Fuerteventura

Já núna er Sigga Bára Min komin heim eftir að hafa dvalist með frændsystkinum sínum á Fuerteventura (mamma og pabbi voru auðvitað líka með!!)!! Mikið var gert í ferðinni, farið í dýragarð, vatnsleikjagarð, ströndina, eðlusafn og auðvitað leikið sér við laugina við hótelið. Sú stutta ætlaði að vera heima í dag með mömmu en var hvött til að mæta á náttfataball í skólanum. Hún er þar núna og var ekki alveg sátt við að vera skilin eftir enda vantaði aðal stuðboltana hann Olla frænda og Telmu frænku!!!

Bless í bú

Hei cool

Það eru sumir sem læra allt af þeim sem þeir bera virðingu fyrir. Foreldrarnir reyna að siða ungfrúna í mannasiðum og öðru sem tilheyrir þeirra hlutverki og misjafnt er hvað hún tileinkar sér og hve fljótt. Um leið og Olli frændi og Telma frænka koma í heimsókn eða næturgistingu þá einhvernvegin lærir ungfúin allt á augabragði hmmmm. Þau eru hér þrjú og ætla að sofa saman í nótt - mikil partý stemming. Emil var settur í tækið og um leið og myndin byrjaði heyrðist í Siggu Báru " Hei cool"......

Bless í bú

Bréfið loksins farið

Í dag sendi Sigga Bára bréf til Kína sem ætlað er konunni sem sá um hana fyrstu mánuði lífs hennar. Kemur meira síðar...........

Dýrin í hálsakoti

Foreldrarnir eru glaðir þessa dagana þar sem búið er að aflína Siggu Báru í bili og Rebbi refur og Lilli klifurmús hafa tekið við af henni. Það er hlustað á Dýrin í Hálsakoti (eins og Sigga Bára segir það) eftir skóla og uppi í rúmi þegar farið er að sofa. Á morgun er merkisdagur hjá henni en búið er verið að byggja upp mikla spennu fyrir Öskudeginum. Mamman klippti út eitthvað sem á að vera Línu svunta og vonaðist hún til að dóttirin myndi taka viljan fyrir verkið en - NEI hún ætlaði sér ekki að fara í þessa Línu svuntu, bara ekki að ræða það. Mikið var nú mamman glöð í kvöld þegar við komum heim, kennararnir í skólanum búnir að vekja áhuga á þessum merkisdegi hjá Siggu Báru og hún tilbúin til að máta meistaraverk móður sinnar. Myndin sýnir general prufu fyrir morgundaginn.............

Bless í bú

Sigga veik og mamman dugleg að setja á bloggið

Já þar sem hún Sigga Bára er fallegasti sjúklingur kjúklingur í heimi og heima þessa dagana langaði okkur að setja inn skemmtilega mynd af þeim vinkonunum Siggu Báru og Matthildi til að lýsa upp daginn. Sigga Bára er meira fyrir að leika dýr en Matthildur er meira svona prinsessutýpan. Þær eru bara líkar mæðrum sínum að þessu leiti (Kristín mamma Matthildar ekki alveg sammála mér hér veit ég!!) þar sem móðir hennar Siggu Báru hefur aldrei verið dúkku/prinsessu karakter. Amma hennar sér að vísu um að kenna henni dúkkuleiki og dömu tilburði. Læt myndina tala sínu máli.

Bless í bú

Leikhúsferð á Skoppu og Skrítlu

Mikið var gaman hjá Siggu Báru á laugardaginn 3. febrúar þegar sú stutta skellti sér í sína fyrstu leikhúsferð. Búið var að sjá Skoppu og Skrítlu í sjónvarpinu og núna var ákveðið að sjá þær með berum augum í leikhúsinu. Við hittum Matthildi vinkonu þar og deildu þær þessari stund saman og höfðu gaman af. Þar sem þetta gekk svona líka vel höfum við fjölskyldan ákveðið að reyna að ná miðum á Karíus og Baktus sem er ekki auðvelt þar sem uppselt er á allar sýningar til við vitum ekki hvað.........

Fyrsta bíóferðin

Það var roggin stelpa sem labbaði inn í Smárabíó í dag - hún var nefnilega að fara í bíó litla stóra skottið hún Sigga Bára Min. Við foreldrarnir héldum að við værum að fara að sjá hálfa mynd og svo heim en nei, það var horft á alla myndina, maulað popp og drukkið vatn með röri, setið á upphækkuðum stalli svo lítill haus gæti séð á tjaldið myndina um Karlottu könguló og alla vini hennar í fjósinu. Hún leit út fyrir að hafa tökin á þessu öllu, vakti allan tíman en núna þegar þessi orð eru rituð er lítið skott sofandi inni í stofu alveg uppgefin að vera pínu stór en samt svo lítil.
Bless í bú

Ég má fá tvö því ég er með tvö eyru!!!!!

Já hún Sigga deyr ekki ráðalaus nú frekar en áður. Sigga er hreint dýrðleg þessa dagana – kemur sífellt á óvart með svörin á hreinu. Í kvöld kom hún með eitt gullkornið, var með fullan tyggjópakka og ætlaði að fá sér tvö sem foreldrarnir voru ekki alveg á að samþykkja – þá svaraði mín bara ÉG MÁ FÁ TVÖ ÞVÍ ÉG ER MEÐ TVÖ EYRU. Það er rétt hjá Siggu hún er með tvö eyru og auðvitað fékk hún tvö tyggjó – eitt fyrir hvort eyra.
Bless í bú

Gleðilegt nýtt ár

Kæru vinir og fjölskylda - GLEÐILEGT NÝTT ÁR og takk fyrir gamlar góðar stundir. Við vorum að lenda hér heima í Reykjavíkinni eftir að hafa dvalist yfir áramótin hjá Olgu og Bjarkari uppi í sveit. Það var svo gaman hjá henni Siggu Báru að leika sér með frændsystkinum sínum. Lærði nokkra nýja takta og notar núna orðið OKEI svolítið oft - takk Telma og Olli ;-D Á morgun byrjar hið hefðbundna líf aftur eftir tæpt tveggja vikna frí úr leikskólanum, vonandi verður hún glöð að fara aftur á leikskólann...................................
Bless í bú

Loksins fór hún í Kína dressið

Í kvöld ákvað Sigga Bára að það væri kannski rétta kvöldið til að máta Kína dressið sitt - hún hefur harðneitað að líta við því þar til núna!! En viti menn hún vill ekki fara úr því - jebb þetta er Sigga Bára Min :-D
Bless í bú

Frábær dagur Takk fyrir okkur

Það var virkilega gaman hjá fjölskyldunni í dag. Farið var í leikskólann og þar voru sko margar piparkökur málaðar af fröken Sigríði Báru en ykkur að segja fóru fleiri ómálaðar í mallakút !!! Þegar við vorum komin heim fengum við góða gesti í heimsókn - Hemma frænda og fjölskyldu. Svo þurftum við að drífa okkur í næsta boð - til Önnu Kristínar á meðan pabbi var heima að skreyta húsið og núna lítur það út eins og piparkökuhúsið í ævintýrinu um Hans og Grétu!!! Mikið var gaman að heimsækja Önnu Kristínu og fá tækifæri að hitta allar skemmtilegu vinkonurnar úr hópi 12 og svo ekki sé minnst á foreldra þeirra :-D
Jæja á morgun tekur við mjög svo annasamur dagur og daman löngu sofnuð til að geta notið hans til hins ýtrasta.
Bless í bú

Okkar Kjarval - okkar eigin Kjarval

Varð að setja þessa fallegu mynd af Óla Prik sem Sigga teiknaði alveg ein með nýja pennanum frá honum afa - Jólasveina penna, jebb...... Það er margt framundan hjá stúlkunni næstu daga en það verður farið í piparkökumálun í leikskólanum, hittum vinkonurnar úr hópi 12 og svo er það aðventukaffið hjá Hemma frænda ;-D Mamman verður bara þreytt á öllu þessu plani en svona er það að eiga selskapsljón eins og hún Sigga Bára er - það líka tilheyrir þessu listamannalífi.
Blessi í bú

Snjórinn er kominn - jibbý

Halló við verðum bara að láta vita hvað það var ótrúlega gaman á furðufataballinu í gær. Sigga Bára skemmti sér konunglega og sýndi mikið sjálfstæði og öryggi á ballinu. Hún skokkaði um allt dansgólfið, dansaði og dillaði sér í takt við frábær lög. Svo var þetta allt toppað með því að um kvöldið kom Erna Hrun frænka og passaði hana - mikið fannst Siggu Báru það gaman. Í morgun vaknaði snjóátari Íslands, varla búin að opna augun þegar rokið var út í glugga og lítil hendi stakk fingrunum út á gluggakarminn og náði sér í vænan lófa af snjó - já það var borðað mikið af snjó í dag.
Bless í bú

Furðufataball og Gunna 17 ára!!!!

Já í dag er 18. nóvember og það er mikill merkisdagur. Í dag eru 17 ár frá því að frænka mín hún Guðrún Helga leit fyrst dagsins ljós og finnst mömmu eins það hafi gerst í gær. Mikið vonum við að Sigga Bára verði ekki allt í einu orðin 17 ára áður en við deplum auga!! Nema hvað að Sigga Bára er núna að undirbúa sig fyrir sundnámskeiðið sitt í þessum skrifuðu orðum og svo verður farið á Furðufataball Íslenskrar Ættleiðingar seinnipartinn - það verður spennandi og vonum við að vinkonur úr hópi 12 komi sem flestar. Sigga Bára ætlar að vera fiðrildi, bleikt og fallegt :-D Við setjum svo inn myndir af ballinu síðar.
Bless í bú

Söngurinn lengir lífið

Okkur hefur verið bent á að það sé nú æskilegt að hafa aðeins tíðari skrif á síðuna okkar en verið hefur undanfarið. Efaust eru þetta réttar ábendingar sérstaklega þegar mikið af hlutum eru að gerast hjá okkur og margar sögur sem hægt væri að segja af Siggu Báru. Hún blómstrar sem aldrei fyrr í leikskólanum og er sko alveg tilbúin að fara þangað þegar henni hefur þóknast að vakna. Það er nefnilega kominn upp smá "unglingaveiki" finnst okkur í hana, þar sem hún hoppar ekki alltaf brosandi á fætur þegar hún er vakin heldur hið minnsta sendir föður sínum tóninn um að fara fram þegar henni finnst harkalega er gengið á eftir því að hún vakni. Við verðum bara að taka þessu og láta ekki mikið bera á þegar við brosum út af eyrum yfir sjálfstæði hennar og aga svo notuð séu sérstaklega jákvæð orð um þessa hegðun. Núna er svo söngtímabilið að byrja og það er frekar fyndið og skemmtilegt. Hún vill auðvitað að við tökum öll þátt í söngnum og fylgjum hennar leiðbeiningum um lög og áherslur sem stundum eru á þá leið að hálft lag dugar alveg eða jafnvel nokkrar línur, enda eru þessi lög ekki öll eins skemmtileg eða hvað :-). Því miður höfum við ekki getað tekið myndir af henni þar sem fingralangur Breti náði að eignast vélina okkar gegn okkar vilja þegar húsfrúin fór í orlof til Bretlands um daginn. Vonandi stendur það til bóta innan fárra daga. Við höfum verið að nálgast Siggu með það hvort hana langi nú ekki að eignast systur eða bróðir og höfum fengið bæði skemmtilegan svip og svör frá þeirri stuttu. " Sigga alveg nóg" hefur hún þá sagt þegar hún á annað borð hefur séð sér fært að tjá sig um þetta efni. Hún veit þó ekki að við erum að vinna ötulega að því að safna saman öllum gögnum sem þarf til að skila inn umsókn eftir að hafa fengið samþykki frá þeim yfirvöldum sem til þarf. Vonandi tekst okkur á þeim tíma sem frammundan er að sannfæra Siggu um að það sé ekki svo slæmt að stækka fjölskylduna. Við látum nú þetta duga í bili og biðjum kærlega að heilsa

Tíminn flýgur hratt......

Við höfum verið spurð hvort þessi síða sé að lognast út af - svarið er Nei - bara foreldrar sem eru pínu latir við að skrifa. Það sem er að frétta síðan síðast er að daman stendur sig svona afbragðs vel í skólanum. Það var foreldrafundur og þar kom fram að Sigga hafi verið tekin í þroska próf í skólanum sem kom vel út. Hún er mjög dugleg við að hjálpa kennurum á deildinni að taka til, grípur sópinn um leið og á að fara að sópa, leyfir stóru stelpunum að vera með henni í mömmó - hún leikur þá litla barnið og er mjög dugleg að leika sér úti. Stúlkan okkar stendur sig semsagt SUPER. Þetta er svona ego, Sigga frábæra æðislega færsla (hmmm eins og hinar hundrað) en maður er bara að springa af stolti yfir því að hafa þessa stúlku í okkar lífi. Núna er hún komin á biðlista að læra fiðlu, þetta var okkur sagt að gera þar sem það er um það bil 1 ár í bið að komast í tónlistaskólann. Jæja, sláum nú endann í þessa lofræðu - þökkum fyrir ritfrelsið
bless í bú

Ég nenni ekki......

Já hún Sigga hún er bara búin að læra trilljón ný orð í leikskólanum - allt í einu segir hún; ég nenni ekki út, ég nenni ekki bað, ógeðslega gott, ógeðslega vont, ógeðslega ljótt, láttu mig vera, ekki stríða, allir saman......... Það er alveg frábært að fylgjast með litla unganum sem núna er svo ánægð með leikskólann að hún varla hefur tíma til að kveðja foreldrana á morgnanna. Þegar hún er sótt þarf oft að bíða því hún er bara ekki alveg búin að púsla auk þess sem hún þarf að sýna margt. Í dag blasti við fögur sjón - Sigga var að leika við vinkonu sína úti, þær hlupu um allt svæðið og hlógu saman - þetta hefur hún ekki gert hingað til. Er ekki gaman að fá að upplifa þetta allt með henni Siggu Báru sjarmörínu línu?
Bless í bú

Þetta er allt að koma

Já hún Sigga er öll að koma til. Stúlkan er búin að vera lasin meira eða minna síðan á laugardag með hita, hálsbólgu og almennt kvef eins og það gerist best. Í dag var því farið í leikskólann í fyrsta sinn í þessar viku og hélt mamman að við færum 8 skref afturábak í aðlöguninni. En viti menn - það þurfti ekki að hafa áhyggjur af þessum degi. Þegar Sigga Bára var sótt í leikskólann í dag fékk mamman gleðifréttir - STÚLKAN SVAF Í HVÍLDINNI, BORÐAÐI VEL OG NÁÐI AÐ LEIKA SÉR!! Getur maður beðið um annað. Við foreldrarnir vitum vel hvað býr í þessari duglegu stúlku og hlökkum mikið til þegar kennarar hennar fara að sjá þá hlið á henni. Annars þá verð ég að taka hattin ofan fyrir kennurum Siggu Báru - þær hafa verið svo góðar og þolinmóðar við okkur, þá ekki síður foreldrana en Siggu Báru. Við segjum bara takk, takk, takk fyrir allt.
Hér eru myndir af fallegasta sjúklingi kjúklingi landsins og barasta heimsins
Bless í bú

Vikan búin og næsta að hefjast

Já vikan sem er að líða gekk vel hjá Sigríði Báru - að frátöldum þeim klukkutímum sem hún grét í leikskólanum. Já hún hefur ekki alveg brosað hringinn allan daginn þessa dagana - það er gaman að leika sér með krökkunum, gaman að borða með krökkunum, gaman að labba í skólann á morgnanna en EKKI AÐ FÁ SÉR LÚR. Okkur skilst að þrátt fyrir allar heimsins aðferðir til að fá unga til að taka lúrinn hafa engar þær haft áhrif á Siggu Báru - hún grætur og grætur og grætur þessi engill en hættir um leið og farið er út að leika. Sigga Bára er sem sagt mjög þrjósk - það vitum við foreldrarnir líka og það er einmitt þannig sem við viljum hafa hana Siggu Báru - þrjóska og með skap - það verður bara enn meiri sigur þegar maður hefur unnið hana á sitt band.
Sigga Bára tók sig til allt í einu á föstudaginn eftir skóla, skellti sér á fjórar fætur og lyfti annarri upp og kallaði "sjái sjái latibær" Svo dró hún okkur gömlu á gólfið og allir farnir í Latabæjar stuð eins og henni einni er lagið!!!

En ljósið sefur núna ljúfum svefni enda búin að hafa nóg að gera í dag. Farið var í Grafarholtið til móðursystranna og farið í góða göngu um holt og hæðir. Það finnast ber í Reykjavíkinni góðu en hvar segjum við ekki :-D
Bless í bú
gydao@simnet.is

Bíddu - hef ég ekki verið hér áður???

Fyrsti leikskóla dagurinn var nú eiginlega þannig að það var eins og Sigga Bára hafi verið þarna áður. Sú stutta gekk inn eins og hún ætti skólann, ekkert sjálfsagðara en að hengja upp úlpuna og töskuna á nýja kisu snagann og tölta sér inn á ganginn. Á móti okkur tók Sigrún skólastjóri og þær Sigga Bára skoðuðu fiskabúrið sem hefur fjársjóð á botninum!!!!! Svo hittum við hana Láru sem er svo indæl og þær Sigga fengu sér síðar labbitúr og leiddust hönd í hönd. Svona til að gera langa sögu stutta þá fór Sigga Bára að gráta þegar móðirin þurfti að fara með hana heim!!!! Svona var þetta nú - svo héldum við upp á daginn með því að fara í bakaríið og fara með skúffuköku til ömmu og afa - Sigga Bára var orðin stór stelpa.
Takk fyrir kveðjurnar kæru vinir - það er svo gaman að lesa orðsendingarnar frá ykkur!!!
Bless í bú - á morgun verður snæddur morgunmatur með öllum krökkunum ............

Það verður leikskóli á morgun

Já núna fer að styttast óðum í að litla daman labbi sér yfir götuna og byrji á leikskólanum. Á morgun er fyrsti aðlögunar dagurinn og mikil spenna búin að magnast hér á heimilinu bæði hjá Siggu Báru og foreldrunum. Við erum viss um að þetta gangi vel þar sem Sigga Bára hefur fengið að fara nokkrum sinnum út að leika þegar leikskólinn er með útiveru á morgnanna. Sigga Bára hefur meira að segja ekki alltaf viljað fara heim með þeirri gömlu heldur viljað fara beint inn að leika!!!!!
Annars hefur ágúst mánuður einkennst af miklum heimsóknum út á land. Við eyddum nokkrum dögum í sumarbústað með Bínu, Olgu og stórfjölskyldum sem var hreint út sagt frábært auk þess sem við fórum í heimsókn til ömmu, afa og Sigga Val þar sem þau voru í bústað. Auðvitað var svo farið á tónleika með Stuðmönnum um verslunarmannahelgina. Sigga Bára sofnaði að vísu yfir honum Valgeiri en ..............
Jæja látum þetta nægja í bili
Bless í bú!!!!!