mánudagur, júlí 11, 2005

Lagalegum frágangi lokið

Þá er lagalegum frágangi okkar lokið hérna í Nanchang borg. Við fórum í morgun öll saman og það tók kínverjana ekki nema tæpa 3 tíma að ganga frá ættleiðingum á þessum sjö fallegu stúlkum sem við fengum í hendur í gær. Allt var frábærlega vel skipulagt og undirbúið. Fararstjóranir okkar búnar að hjálpa okkur að fylla allt út og ganga frá. Síðan fengum við í hendur formleg gögn um að stúlkan væri okkar formlega og á föstudaginn fáum við vegabrefið hennar í hendur.
En þið verðið að afsaka að við munum ekkert hvað við sögðum í pistlinum í gær og því kunnum við að endurtaka eitthvað í dag og á morgun en þið fyrirgefið okkar það. Ástæðan er nefnilega einföld, tilfinningaþunginn var slíkur hjá okkur að við vissum ekki hvort við ættum að gráta eða hlæja eða eitthvað þar á milli, eins og að vera í rússibana nema við vissum ekki hvert hann var að fara.
Kvöldið var nokkuð erfitt, daman ekki alveg sátt við þetta nýja fólk og lái henni hver sem vill. Hún kallaði stanslaust eftir mama og benti á dyrnar á hótelherberginu og tók mikil ekkaköst á milli og borðaði nánast ekki neitt. En við gengum með hana um og gáfum okkur vel að henni. Útsýnið út um gluggann á 12 hæð vakti athygli hennar enda hin myndarlegaasta brú sem blasir við. Flott hönnun sem svei mér þá gæti bara hafa verið teiknuð af Helga frænda svo flott var hún!. Nú síðan liða þeir niður ánna hinir sérstöku fljótabátar sem hér eru notaðir til að ferja varning milli staða sem var gaman að horfa á úr fjarlægð.
En daman sofnaði loksins og svaf í alla nótt en hinir nýbökuðu foreldrar sváfu ekki neitt að telja, voru vakandi yfir hverri hreyfingu en daman ferðaðist hring eftir hring í rúminu sínu og virtist una sér vel. En þegar hún vaknaði þá var hún ekki alveg sátt við lífið en þó læddist fram bros þegar henni tokst að pissa yfir pabbann sem var búinn að klæða sig upp fyrir morgunmatinn. Bara látið flakka enda ókunnugur maður á ferð!
Smátt og smátt höfum við séð miklar breytingar á henni strax í dag, hún er farinn að gleyma sér og brosa var voða fyndin að mata pabba sinn af appelsínu og Palli frændi hefði verið stoltur þegar stríðnisglott færðist yfir þetta litla andlit þegar hún var að leika við Matthildi vinkonu sínu og fela fyrir henni hluti en þóttist svo alsaklaus og ekki kannast við neitt. Engin smá púki á ferðinni og efnileg í stríðnispúkafélagið.
Mamman er auðvitað í aðalhlutverki í dag og daman unir sér alltaf betur og betur og ekka hljóðin og gráturinn eru núna smátt og smátt að fjara út. Ef fram fer sem horfir þá er það fyrr en við töldum.
Nú á eftir á að fara í Wall Mart verslun sem er staðsett á hátiðartorgi borgarinnar. Hljómar mjög sérstakt einkum ef haft er í huga að hér var upphaf alþýðubyltingarinnar í kína og borgarbúar mjög stoltir af því. Mikið torg er í miðbænum sem ber heitið 1. ágúst torgið og hefur þannig vísan til upphaf byltingarinnar og þar hefur verið reistur mikinn minnisvarði og allt í kring minnir á byltinguna. Þetta var nú smá útidúr en við keyptum reglhliðfakerru á 1500 kall, mjög flott og miklu vandaðaðri en þær sem hótelið leggur til auk þess sem við getum notað hana áfram í Peking og síðan flugvellina, nægur burður þar og hlaup þó ekki þurfi að hafa hana á öxlunum.
Síðan fórum við með hana á veitingastað á hótelinu, hún fékk að borða sjálf spagetti og raðaði í sig af mikilli ánægju en samt var hún búin að borða mikið af vatns melónu sem er hennar uppáhald.
Nú á morgun förum við síðan ferð á barnaheimilið hennar Siggu Báru, þar ætlum við að færa heimilinu smá gjöf sem haft var samráð við forstjórann um í dag. Nú veit maður ekki hvort það kallar eitthvað fram hjá stúlkunum og ekki alveg klárt hvort allir í hópnum taki dömurnar með eða annað foreldrið fari og kynni sér aðstæður. Þarna eru við fyrst og fremst að hugsa til þess þegar daman fer að spyrja um uppruna sinn og leita eftir svörum við eðlilegum spurningum sem hljóta að koma fram á einhverjum ákveðnum tímapunkti í lífi hennar.

sunnudagur, júlí 10, 2005

Þvílík fegurð

Þetta er alveg ólýsanlegt, þessi fallega prinsessa er komin til okkar. Það var ólýsanleg spenna búin að vera hjá okkur og öðrum í hópinum í dag. Fyrst að bíða eftir þeim og auðvitað var seinkun á þeim þannig að við fengum þær ekki í hendur fyrr en rétt undir kl 16:00 að staðartíma. En vægt til orða tekið margra ára bið er þess virði. Stundin rann upp og lítil falleg en svolitíð óvær dama grét talsvert fyrst hjá okkur. Var ekki alveg sátt við allt þetta ljósa hár (móðirn nýja- sá ekki gráa "hárið" hjá pabbanum) og óskiljanlegt tungumál. Fyrst var hún bara í fangi pabba og það var ólýsanlegt að finna hjartslátt hennnar smá róast og fara að vekja athygli hinu margbrotna umhverfi í kringum sig. Við kveiktum á sjónvarpinu svo hún myndi halda áfram að heyra sitt tungumál og Minmin eins og hún hefur verið köllum á heimilinu smá braggaðist. Við höfum verið að reyna að koma mat í hana en gengið ílla ennþá. Læknirinn kom og skoðaði hana, taldi að hana vantaði meira kalsíum en annað er í góðu lagi. Við heyrum ekka sog við og við og þá grettir hún sig og lítur út eins og gömul kona....
Jæja látum þetta nægja núna en setjum meira inn kannski síðar í dag.

laugardagur, júlí 09, 2005

Komin til Nanchang

Þá erum við loksins komin til Nanchang, ferðalagið gekk ágætlega fyrir flest okkar. Þar sem það er mjög heitt hér var mikil ókyrrð í lofti en allt gekk þó vel. Í aðfluginu að Nanchang flugvelli sáum við vel yfir héraðið og gátum ímyndað okkur þá náttúrufegurð sem hér ríkir. Allt er grænt, mikill hiti og mikill raki. Fyrsta sem við tókum eftir þegar við komum úr vélinni var hve fallegt og vingjarnlegt fólkið er hér. Allir brosandi og áhyggjulausir. Vegamannvirki og fyrstu kynni af borginni er frekar hrörleg en samt gætir mikillar uppbyggingar. Þetta virðist vera einkennandi fyrir þá sem við höfum séð hér í Kína. Hótelið er fínt, stendur niður við á með heljarinnar útsýni, allt hreint og nýtt. Lítið barnarúm var það fyrsta sem við tókum eftir hér á herberginu og búið að búa um það – tilbúið fyrir morgundaginn. Það styttist í Siggu!!!!Við fengum okkur stuttan göngutúr þrátt fyrir varnarorð Shirley sem er okkar leiðsögumaður hér í Nanchang, hún sagði það of heitt úti sem reyndist rétt en við fundum stórmarkað í nokkurar mínutna fjarlægð. Það var eins og að koma inn í stómarkað á Vesturlöndum en auðvitað voru kínverskar vörur þar í meirihluta. Þar voru Pampers (bleyjur, klútar og allt), Heinz dósamatur, þurrmjólk (100 tegundir), pelar, bollar, snuð – eiginlega allt það sama og heima nema miklu miklu ódýrara. Sem dæmi tveir fullir pokar með nauðsynjum og óþarfa allt fyrir 700 ISK (miklu ódýrara en í Peking). Þetta hefði verið ágætt að vita fyrirfram, að þurfa ekki að bera þetta frá Íslandi – en það eru örugglega ekki allir staðir svona vel búnir.
Matarlistin var ekki mikil í flugvélinni og því er stefnt á kvöldmat í fyrra lagi og svo munum við hitta Shirley og fara í göngutúr hér í kring – aðallega að kíkja í búðir – NEMA HVAÐ!!!!
Nokkrar myndir frá byrjun ferðalagsins í morgun fram til þessarar stundar.
Við gleymdum að nefna aðalatriðið en á leiðinni á flugvöllinn í Peking afhenti Wendy okkur ferðaleyfin sem við höfum beðið eftir til þessa en þau eru nauðsynleg fyrir morgundaginn.
Jæja, bless í bili. Næstu fréttir af okkur verða þegar við verðum búin að fá hana Sigríði Báru Min í fangið. Það er beintengin héðan úr herberginu og er það ekki slæmt að getað sötrað kaffi og skrifað þessar línur.

föstudagur, júlí 08, 2005

Torg hins himneska friðar og Forboðna borgin

Dagurinn byrjað ansi snemma hjá okkur en dagskráin hófst á Torgi hins himneska friðar sem óneytanlega var magnþrungið að upplifa. Þvílík stærð á öllu og hvernig framsetningin er öll gerð til að ýta undir gæði flokkinn og formanninn en þessi myndarlega mynd af Maó blasir við manni nánast sama hvar sem maður er staddur á torginu. Eftir okkar upplýsingum þá er gerð ný mynd af honum árlega og sett upp á afmælisdegi hans í Október, það þykir víst mjög mikill heiður fyrir listamenn að verða valinn til að mála kappann. Langar raðir hlykkjuðust um torgið þar sem skólabörn biðu þess ábyggilega klukkustundum saman að fá að líta lík Maó augum en hann er til “sýnis” í einu grafhýsinu. Allt óneytanlega tignarlegt og erfitt að lýsa hvaða tilfinngar fara um mann. Frá torginu lögðum við lykkju á leið okkar og fengum fræðslu um þróun lækninga hjá kínverkjum sem var mjög fróðlegt en þá leyndi sér ekki að læknirinn í hópnum var nú ekki sammála öllu í samanburði á nútíma lækningum að hætti vesturlandabúa og hins vegar nátturulækningum kínverja. Það mátti greina kímni í augum hennar þegar samanburðinn var kannski hérlendum full mikið í hag. Nú er bara að sjá hvort ”yngingartöflurnar” sem bóndinn keypti handa Gyðu virki eða ekki svo ekki sé gleymt ”skallameðalinu” fyrir hann, kannski kemur hann bara sem svart hár eins og kínverki til baka!
Forboðna borgin ætlaði aldrei að enda og maður bíður ekki í það hefði veðurspáin gengið eftir. Það var nefnilega ekki nema 35 stig og skýjað í dag en spáð hafði verið sól og meiri hita. .....sjúkk segir maður bara því hitt hefði hópurinn ekki lifað af. Þetta er eins og að ganga á vegg þegar maður fer út af hótelinu og við erum þambandi vatn allan daginn. En aftur að forboðnu borginni sem er merkileg og segir auðvitað mikið um þá visku og þekkingu sem hefur ríkt hjá þjóðinni í þúsundir ára. Byggingarstíllinn og framkvæmdir sem ennþá standa vel af sér veður, stríð og aðrar athafnir af manna völdum. Mannhafið að skoða borgina var með eindæmum og raðir víðsvegar, mest kinverskir krakkar sem voru í skólaferðum að því að við höldum. Við vöktum talsverða athygli og þeir hvítustu úr hópnum margbeðnir um heimild til myndartöku. Ekki slæmt að verða frægður í Kína!
Nú svolitið er nú líka af betlurum á svæðinu sem voru ekki mjög ágengir fyrst í stað en eftir að KSV aumkaði sér yfir einn þeirra var sem þeir hefðu himinn höndum tekið og var orðið erfitt að losna fyrr en komið var inná svæði með aðgangseyri.
Eftir hádegisverð fórum við í silkiverksmiðju, fengum upplýsingar um þróun og meðferð á silki og auðvitað þokkalega sala á eftir þar sem dömurnar, auðvitað þær litlu, fengu þjóðlegan klæðnað. Á heimleiðinni fengum við síðan fréttir sem snertu hjartað. Við fáum dætur okkar í hendur á sunnudaginn 10 júlí kl.15:00 á hótelinu, það verður semsagt komið með þær til okkar þangað. Þannig að nú er bara að pakka því sem þarf að taka með til Nanchang en við reynum að skilja sem mest eftir, alla vega ”hlýju fötin” en mamman er í þessum skrifuðu orðum að velja og hafna. Semsagt spennandi og fróðlegur dagur og mikil spenna að byggist upp. Látum næst heyra frá okkur þegar við erum kominn á hótelið í Nanchang.
Ps. fáar myndir settar inn þar sem netið er lengi að vinna - tókum 100 myndir í dag !!!!

fimmtudagur, júlí 07, 2005

Fimmtudagur

Jaeja vid hjonin voknudum snemma i morgun eda um kl. 6 - hreinlega gatum ekki sofid lengur. Planid i dag er ad fara a Kinamurinn a eftir, svo i einhverja Jade verksmidju og svo munum vid Kalli hitta Jon og Lin Wei i kvold. Tad er mjog skrytid en vid komumst ekki her inn a blogg siduna okkar til ad skoda hana en getum sett inn a hana post, vid getum ekki heldur sent SMS en faum tau til okkar - skrifum meira seinna. Ef tid komist ekki inn a myndirnar okkar getid tid sent okkur mail a gydao@simnet.is eda farid beint a stora albumid okkar http://www.pixagogo.com/karlsteinar/
Tad er storkostlegt ad vera herna og lidur okkur eins og i draumi. Nuna eru bara tveir dagar tar til vid forum til Nanchang - og tar bidur hun Sigga Bara!!!

Kínamúrinn

Það er erfitt að finna hæfandi lýsingu á þessum degi hjá okkur. Hann hófst á því að við fórum í stutta kynnisferð í verksmiðju þar sem búnir eru til ýmir munir úr steinum (Jade) sem var athyglisvert að sjá hvernig unnið er úr honum og auðvitað gátu þeir sem vildu verslað. Síðan var keyrt sem leið liggur að Kínamúrnum sem er ótrúlegt að sjá. Hann er eins og risavaxinn ormur sem gormast um allar fjallshlíðar og er víst rúmlega 6000 km að lengd en í misjöfnu ástandi. Veðurguðirnir voru með okkur því það var skyjað í dag og ekki nema 35 stig ef marka má uppgefnar tölur. Hópurinn fór í góðan gongutúr og menn völdu sér sína áfangastaði á leiðinni upp þessa myndarlega fjallshlíð sem við stöðvuðum við. Maður veit eiginlega ekki hvaða orð á að nota til að lýsa þessu mannvirki það er svo ótrulegt að ganga þarna og horfa á fallegt umhverfið og þá hugsun sem bjó að baki því byggja hann. Það voru því lúnir, heitir og sveittir fætur sem fóru í loftkælda rútuna sem kemur okkur á milli áfangastaða.
Þá lá leiðinn í búð ”formannsins” sem kallast friendship stores og kennir þar ýmissa grasa. Það er nú ekki hægt annað en að kíkja þar við í þessum frægu ríkisverslunum og borða léttan málsverð í ríkismötuneytinu.... Þema dagsins var Api og kannski þarf að skýra það frekar því allar stúlkurnar sem við sækjum eftir tvo daga eru fæddar á ári apans og því viðeigandi að finna ýmsa muni sem tengjast því merka ári apans 2004. Sigga Bára fékk í dag fallega mynd sem klipt er út af mikilli nákvæmni og litskruðug með afbrigðum.
Heimleiðin var ekki síður athyglisverð þá sáum við og fundum fyrir vaxandi umferð í borginni og í raun þeim andstæðum sem hana einkenna í dag. Sjá má mikla uppbyggingu og framkvæmdir en á milli á greina mikla fátækt og aðstæður sem við þekkjum ekki. Sumun bíður það hlutskipti hér að búa í fátæklega búnum húsnæðum og eiga mjög takmarkaða möguleika. Okkur fannst sem bílinn sé ansi hreint að taka við af því sem af gömlum myndum að dæma hefur einkennt borgina en það eru ríkisreiðhjólin svörtu, ekkert fjallahjóladæmi hér heldur ein ríkistegund, svort og gíralaus takk.
Fólkið er svo vingjarnlegt og kurteist að það er til eftirbreytni, fólk brosir og vill allt fyrir okkur gera, höfum ekki fengið nei ennþá alla vega nema þegar húsbóndinn reyndi að prútta í ríkisversluninni það er auðvitað eina verslunin sem slíkt er bannað, bara eitt ríkisverð takk... Talandi um það þá læðist að okkur sá grunur að blogsíðan okkar sé ekki aðgengileg vegna heitis hennar eða vísan á síðuna sé ekki þóknanlegt núna því við getum komist inná ýmsar íslenskar síður en bog er ekki æskilegt. Þá höfum við það. Annars allt fínt af okkur að frétta erum að bíða eftir að Lin Wei komi og sæki okkur og sýni okkur þá hlið borgarinnar sem ferðamenn sjá almennt ekki. Síðan förum við til þeirra í nýju íbúðina og hver veit hvað gerist svo. En þetta var meiriháttar íbúðin þeirra er svo flott og á svo skemmtilegum stað. Síðan fórum við út að borða og Lin Wei valdi staðinn sem hún segir að hafi bestu Peking Önd sem hægt er að fá í borginni og það verður að taka undir það með henni Lin Wei þvilikur unaður. Maturinn var alveg svakalega góður og alltaf eru þau hjónin og stelpurnar jafn skemmtileg og gestrisin. Stefnun að því að hitta þau smá á morgun því Jón fer að fara heim fljótlega en mæðgurnar verða lengur og tviburunum finnst meiriháttar spennandi að fá að hitta litlu Siggu Báru eftir nokkra daga og þá fyrst af öllum! Bless í bili.

þriðjudagur, júlí 05, 2005

Komin til Peking

Vid erum komin til Peking eftir nokkud erfitt ferdalag. Lagt var af stad fra Kopen um kvold eftir klukkustundar seinkun en rumlega 8 timum sidar var lent i Peking. Thad er nu ekki skemmtilegt ad sitja svona lengi i flugvel og frekar litid plass. Einhverjum tokst ad sofa stund og stund en almennt er hopurinn dasadur.
A moti okkur tok sidan fararstjorinn, sem er vingjarnlegt stulka og leiddi okkur i gegnum thad sem thurfti og lokst a hotelid sem er stadsett i midbeanum. Bidjum ad heilsa i bili reynum ad na sma blundi fyrir fyrstu veisluna i kvold

Buin tekka ut af hotelinu

Nøu erum vid a leidinni ad geyma farangurinn okkar a brautastodinni og sidan er stefnt af thvi ad eiga nokkra tima i beanum. Annars er allt a odrum endanum herna tvi Bush er i opinberri heimsokn og vist fullt af svaedi sem er lokad af af theim sokum.
Vid hofumekki enntha getad sett myndir inn en forum thad thegar komid er til Peking. Vid forum i tivoli i gear i godum gir,vedridvar falleg og hlytt og allir i godu skapi. Fruin fekk sma Kina martrod Sigridur Bara var altalandi a islensku, near unglingur i aldri og eins og velmenni i samskiptum. Fjolskyldan oll mjog tillitslaus vid heimkomu og svona meatti lengi telja. Eg held bara ad hun hafi verid nokkud fegin ad vakna og sja thennan skollotta kall vid hlidina a ser. Takkfyrir kvedjurnar,nu skal vi ga og ha en øl.

sunnudagur, júlí 03, 2005

Allt kárt fyrir brottförina

Þá er komið að því við leggjum í hann innan stundar og mikil tilhlökkun hjá okkur. Búið er að pakka öllu og marg yfirfara allt það sem taka þarf með. Fjölskyldan og vinir eru síðan búin að koma og kveðja og greinilegt að tilhlökkun er á mörgum bæjum.
Við sendum síðan frá okkur smá línu þegar við erum komin til Peking eða hugsanlega frá Köpen ef tækifæri vinnst til

föstudagur, júlí 01, 2005

Ýmislegt sem týnist til með seinni skipunum

Jæja það er ótrúlegt hvað margt týnist til hjá okkur og þarf að gera. Auðvitað var byrjað á einni léttri yfirferð í morgun á því hvort við værum að gleyma einhverju og fylgidótið aðeins borið við töskurnar. Við höfum haft nokkrar áhyggjur af hitanum í Peking og fengum smá staðfestingu á því að undanfarna daga er búið að vera um 38 stig þar en víst ekki mikill raki þannig að það er þó smá bót í máli að glíma bara við þurran hita!!!!! Það verður síðan gaman að geta hitt vini okkar Jón, Lin Wei og tvíburana Laufey og Júníu en þau eru einmitt í Peking núna og verða þann tíma sem við erum úti.
Nú aðeins var bætt í húsbúnaðinn í dag þegar við keyptum barnabílstól og síðan eldhússtól fyrir prisessuna þannig að þetta er allt að verða tilbúið.
Hátindur dagsins var þó að fara með frú Ernu og Sigga Val og taka við lyklum að nýju íbúðinni á Standvegi. Auðvitað verður mikill söknuður af Alftamýrinni en minningin lifir um þann góða anda sem þar hefur verið og nýja íbuðin er meiriháttar flott. Frú Erna fær ótrúlega flott útsýni og var strax farin að tala um hvað yrði gaman að fara með ömmustelpuna í göngutúra niður að sjó og skoða fuglana. Valur var fjarri góðu gamni, var víst að telja breskum ferðamönnum trú um ótrúlega gæði landsins og merkilega sögu þess, fer ábyggilega létt með staðreyndir og kryddar þetta allt aðeins og gerir skemmtilegt. Það fréttist af honum á Egilstöðum í fjallgöngu og því ekki sjá að hann sé á áttræðisaldri.... En alla vega þá skáluðum við fjögur fyrir þessum merka áfanga og síðan verða þau flutt þegar við komum aftur heim frá Kína. Smellið hér til að skoða Strandveginn.

fimmtudagur, júní 30, 2005

Styttist í brottför

Jæja oft finnast okkur hjónum dagarnir vera langir núna, úff.... en þetta er líka stundum dálitið óraunverulegt að vera að fara út að hitta loksins þessa litlu prinsessu. Svo er því ekki að leyna að það er líka að mjög mörgu að hyggja, búið að huga aftur og aftur að því hvað á að taka með og hvað er óþarfi. 'I því ferli þurfum við stöðugt að minna okkur á að í Kína eru líka verslanir og það víst ansi margar segja menn.
Núna er Ágústa vinkona okkar að sannfæra Gyðu um hversu mörg "dress" hún þurfi að taka með, ég heyri í þeim úr barnaherberginu og ætla ekki að hafa þau leyndarmál eftir. Ég stalst aftur á móti til að taka straujárnið úr sambandi eftir að hafa farið mjög mjúkum heitum "höndum" um einstaklega falleg náttföt sem höfðu verið keypt á prinsessuna. Taldi mér trú um að það væri gott að kæla járnið aðeins enda á mikið eftir að reyna á það síðar í sumar.
Best að setja járnið aftur í samband og halda áfram með verkefnið

miðvikudagur, júní 29, 2005

For our English speaking friends. – first info

There is a lot of tension at our home these days, less than one week to our departure – our journey to China. We will start by flying to Copenhagen on Monday (4) and spend close to two days there but Copenhagen is one of our favorit Cities. Most of our group will travel with us but on Tuesday evening we will all meet at the Kastrup airport in Copenhagen.
Then the plan is to fly to Beijing; (Peking) and we will spend few days there before we fly over to the City Nanchang in the Jiangxi providence. On the 10 of July we will finally meet our daughter Fu Ling Min but we have named her Sigridur Bara Min Karlsdottir.
The whole journey will take two weeks and we anticipate rather demanding trip for us as one can imagine.
The whole process has taken around one year but its delightful feeling to know that we are getting very close to the peak so to say or the destination. We have already got draft of the trip and the planning that has taken place. We will be able to do some sightseeing particularly before we go to Nanghang.
In last few days we have been making our home ready for the new family member, painting the room, buying clothing and other things that need to be ready. The father has never been known as a handy man so he has needed some extra help from friends to be able to connect lights extr.
Yesterday we got our travel tickets and that was a specific feeling not only having flight ticket to China but seeing booking for three persons on the way home. Its happening !!!!!

laugardagur, júní 25, 2005

Eins árs afmæli Sigríðar Báru Min

Sigríður Bára átti eins árs afmæli föstudaginn 24 júni og þótti foreldrunum tilefni til að baka eina súkkulaðitetru af tilefni dagsins. Við fengum margar afmæliskveðjur frá vinum og fjölskyldu af þessu tilefni og glatt var á hjalla á Hofteignum.
Sigurður Valur stjórnaði afmælissöng af þessu tilefni með tilheyrandi húrrahrópum, en hann er orðinn ansi hreint sjóaður í stjórnun á fjöldasöng af svona tilefnum.
Dagurinn var einnig merkilegur fyrir þær sakir að Gyða hætti að vinna, byrjar í sumarleyfi og fer síðan í fæðingarorlof vegna þessa merku tímamóta. Þá fer að styttast í að heimilisfaðirinn fari líka í frí og síðan orlof en miðað við upphaf ferðar þann 4 júli má vænta þess að síðasti starfsdagurinn verði að minnsta kosti að kvöldi hins 3 júli en mikil pressa er á honum að hefja töku orlofs eitthvað aðeins fyrr.
Mikið þökkum við öllum þeim sem hafa verið að senda okkur kveðjur og hamingjuóskir undanfarið en það hefur verið ómetanlegt.

sunnudagur, júní 19, 2005

Ferðadagsetning komin

Síðast liðinn mánudag var haldinn ferðafundur þar sem við fengum hagnýtar upplýsingar um ævintýraferðina okkar. Fyrir liggur að fara frá kóngsins Kaupmannahöfn að kvöldi 5 júlí og þjóta um loftin blá beint til Peking þar sem keisarans hallir skína eins og segir einhvers staðar :-) . Við leggjum liklega sólarhring fyrr af stað og hyggjumst eiga góða stund í köpen. Ekki er hægt að neita því að þessi fundur setti undirbúning allan á annað stig því nú þarf að halda vel á spöðunum, aðeins tvær vikur til brottfarar. Hjónin tóku sig því til undir öryggri forustu húsfrúarinnar og máluðu herbergið Sigríðar og síðan voru keypt ný ljós. Þrátt fyrir andmæli varð hinn nýbakaði faðir að hætta sér í að festa þau upp. Til öryggis var allt rafmagn tekið af íbúðinni ef ekki húsinu öllu og sumir segja að dimmt hafi orðið á Hofteignum öllum um stund, slíkt var öryggið eða kannski öllu heldur vanþekking á tengingum og vírum. En upp fóru ljósin og taka sig vel út, smá frágangur eftir sem frúin gaf leiðbeiningar um hvernig ætti að vera þannig að þessu er ekki að fullu lokið. Þrátlát kvefpest föðursins veittum honum engan umbuð eða samúð, herbergið yrði að verða tilbúið innan tíðar, ekkert væl. Siggi Valur fór með í verslunarleiðangur og gaf foreldrunum leiðbeiningar á ýmsu því sem okkar datt til hugar að við yrðum að hafa aðgengilegt, nú ekki sleppti hann að segja sína skoðun á nauðsynlegum fatnaði og fyrst kom í huga hans arsenal treygja. Klikkar ekki á smáatriðum pilturinn sá og ekki slæmt að hafa svona ráðleggingar sem auðvitað varð að verðlauna með góðri ísferð þar sem Gunna stóra frænka kom einnig með í. Nú er frúin að "skella" í nokkrar tertur enda afmælisdagur hennar á morgun og síðan á prinsessan litla afmæli á föstudaginn og aldrei að vita nema við blásum á eitt kerti ef einhver verða eftir á bænum eftir fjöldann sem nota verður á morgun.....

fimmtudagur, júní 09, 2005

Ein vika síðan

Tíminn líður hratt. Í dag er ein vika síðan við fengum myndirnar af henni Sigríði Báru Min. Á þessari einu viku höfum við foreldrarnir verið að dáðst af litlu tátunni, látið stækka ljósmyndir af henni og komið þeim að bókstaflega út um allt. Hópur 12 hittist hjá Sigrúnu á mánudaginn síðasta og komu allir foreldrar með myndirnar af dætrum sínum. Þann dag fengum við líka nýjar upplýsingar um Sigríði Báru Min, hún hefur stækkað frá því í janúar en þá var hún 64 cm og 7 kg. en nýjustu tölur segja að hún sé núna 72 cm og 8,2 kg. Hún er ólík pabba sínum en hann var nánast tannlaus fram að tveggja ára aldri, daman er í dag komin með 8 tennur, en var með 4 í janúar. Það er skemmst frá því að segja að í dag fengum við þykka möppu frá Íslenskri Ættleiðingu sem innihalda nauðsynlegustu upplýsingar um ferðina, hvernig undirbúa skal ferðina, hvað á að taka með sér, hvað má og hvað má ekki. Þetta er virkilega flott mappa hjá henni Guðrúnu sem hefur staðið sig eins og hetja. Í kvöld er handlagni heimilisfaðirinn búinn að setja saman rúm eftir eigin hugmyndum, nokkrar skrúfur rötuðu ekki á rétta staði (afgangur semsagt) og honum hulin ráðgáta hvar þeim var ætlað hlutverk svo ekki sé talað um gormana sem liggja í gluggakistunni (ennþá). Enn hann reynir sitt besta og við tökum viljan fyrir verkið. Næsta þriðjudag er áætlaður ferðafundur þar sem farið verður yfir ferðina, fardagar og dvalarstaðir ákveðnir. Fram að þeim tíma munum við undirbúa okkur undir verslunarleiðangur, kaupa snuð, pela, krem, samfellur og allt það sem hún Sigríður mun þurfa á að halda þegar hún hittir okkur.

þriðjudagur, júní 07, 2005

fimmtudagur, júní 02, 2005

Við höfum fengið myndir af dóttur okkar

Dagurinn í dag er merkisdagur. Seinnipart dags fékk Kalli símhringingu frá Íslenskri Ættleiðingu og honum tilkynnt að okkar biði myndir og upplýsingar um dóttur okkar. Móðirin var í ræktinni á þessu mikilvæga augnarbliki og rauk sveitt af stað með pabbanum til að sjá litla ungann. Þessi stúlka er án efa það fallegasta sem við höfum augum litið, fædd þann 24. júní árið 2004 og ber nafnið Fu Ling Min. Fyrra nafnið Fu er nafnið á barnaheimilinu og seinni nöfnin eiga að lýsa persónuleika hennar. Ling þýðir að vera snörp og Min þýðir glæsileiki. Hún hefur samkvæmt okkar upplýsingum búið hjá fósturforeldrum sem sjá án efa vel um hana fyrir okkur þar til við hittumst í júlí. Langþráðum áfanga er náð og nú tekur við að undirbúa komu prinsessunnar. Við tókum nokkrar myndir í dag og svo myndir af myndunum þar til við munum skanna þær inn og setja á netið.