Þá er komið að því við leggjum í hann innan stundar og mikil tilhlökkun hjá okkur. Búið er að pakka öllu og marg yfirfara allt það sem taka þarf með. Fjölskyldan og vinir eru síðan búin að koma og kveðja og greinilegt að tilhlökkun er á mörgum bæjum.
Við sendum síðan frá okkur smá línu þegar við erum komin til Peking eða hugsanlega frá Köpen ef tækifæri vinnst til
sunnudagur, júlí 03, 2005
föstudagur, júlí 01, 2005
Ýmislegt sem týnist til með seinni skipunum
Jæja það er ótrúlegt hvað margt týnist til hjá okkur og þarf að gera. Auðvitað var byrjað á einni léttri yfirferð í morgun á því hvort við værum að gleyma einhverju og fylgidótið aðeins borið við töskurnar. Við höfum haft nokkrar áhyggjur af hitanum í Peking og fengum smá staðfestingu á því að undanfarna daga er búið að vera um 38 stig þar en víst ekki mikill raki þannig að það er þó smá bót í máli að glíma bara við þurran hita!!!!! Það verður síðan gaman að geta hitt vini okkar Jón, Lin Wei og tvíburana Laufey og Júníu en þau eru einmitt í Peking núna og verða þann tíma sem við erum úti.
Nú aðeins var bætt í húsbúnaðinn í dag þegar við keyptum barnabílstól og síðan eldhússtól fyrir prisessuna þannig að þetta er allt að verða tilbúið.
Hátindur dagsins var þó að fara með frú Ernu og Sigga Val og taka við lyklum að nýju íbúðinni á Standvegi. Auðvitað verður mikill söknuður af Alftamýrinni en minningin lifir um þann góða anda sem þar hefur verið og nýja íbuðin er meiriháttar flott. Frú Erna fær ótrúlega flott útsýni og var strax farin að tala um hvað yrði gaman að fara með ömmustelpuna í göngutúra niður að sjó og skoða fuglana. Valur var fjarri góðu gamni, var víst að telja breskum ferðamönnum trú um ótrúlega gæði landsins og merkilega sögu þess, fer ábyggilega létt með staðreyndir og kryddar þetta allt aðeins og gerir skemmtilegt. Það fréttist af honum á Egilstöðum í fjallgöngu og því ekki sjá að hann sé á áttræðisaldri.... En alla vega þá skáluðum við fjögur fyrir þessum merka áfanga og síðan verða þau flutt þegar við komum aftur heim frá Kína. Smellið hér til að skoða Strandveginn.
Nú aðeins var bætt í húsbúnaðinn í dag þegar við keyptum barnabílstól og síðan eldhússtól fyrir prisessuna þannig að þetta er allt að verða tilbúið.
Hátindur dagsins var þó að fara með frú Ernu og Sigga Val og taka við lyklum að nýju íbúðinni á Standvegi. Auðvitað verður mikill söknuður af Alftamýrinni en minningin lifir um þann góða anda sem þar hefur verið og nýja íbuðin er meiriháttar flott. Frú Erna fær ótrúlega flott útsýni og var strax farin að tala um hvað yrði gaman að fara með ömmustelpuna í göngutúra niður að sjó og skoða fuglana. Valur var fjarri góðu gamni, var víst að telja breskum ferðamönnum trú um ótrúlega gæði landsins og merkilega sögu þess, fer ábyggilega létt með staðreyndir og kryddar þetta allt aðeins og gerir skemmtilegt. Það fréttist af honum á Egilstöðum í fjallgöngu og því ekki sjá að hann sé á áttræðisaldri.... En alla vega þá skáluðum við fjögur fyrir þessum merka áfanga og síðan verða þau flutt þegar við komum aftur heim frá Kína. Smellið hér til að skoða Strandveginn.
fimmtudagur, júní 30, 2005
Styttist í brottför
Jæja oft finnast okkur hjónum dagarnir vera langir núna, úff.... en þetta er líka stundum dálitið óraunverulegt að vera að fara út að hitta loksins þessa litlu prinsessu. Svo er því ekki að leyna að það er líka að mjög mörgu að hyggja, búið að huga aftur og aftur að því hvað á að taka með og hvað er óþarfi. 'I því ferli þurfum við stöðugt að minna okkur á að í Kína eru líka verslanir og það víst ansi margar segja menn.
Núna er Ágústa vinkona okkar að sannfæra Gyðu um hversu mörg "dress" hún þurfi að taka með, ég heyri í þeim úr barnaherberginu og ætla ekki að hafa þau leyndarmál eftir. Ég stalst aftur á móti til að taka straujárnið úr sambandi eftir að hafa farið mjög mjúkum heitum "höndum" um einstaklega falleg náttföt sem höfðu verið keypt á prinsessuna. Taldi mér trú um að það væri gott að kæla járnið aðeins enda á mikið eftir að reyna á það síðar í sumar.
Best að setja járnið aftur í samband og halda áfram með verkefnið
Núna er Ágústa vinkona okkar að sannfæra Gyðu um hversu mörg "dress" hún þurfi að taka með, ég heyri í þeim úr barnaherberginu og ætla ekki að hafa þau leyndarmál eftir. Ég stalst aftur á móti til að taka straujárnið úr sambandi eftir að hafa farið mjög mjúkum heitum "höndum" um einstaklega falleg náttföt sem höfðu verið keypt á prinsessuna. Taldi mér trú um að það væri gott að kæla járnið aðeins enda á mikið eftir að reyna á það síðar í sumar.
Best að setja járnið aftur í samband og halda áfram með verkefnið
miðvikudagur, júní 29, 2005
For our English speaking friends. – first info
There is a lot of tension at our home these days, less than one week to our departure – our journey to China. We will start by flying to Copenhagen on Monday (4) and spend close to two days there but Copenhagen is one of our favorit Cities. Most of our group will travel with us but on Tuesday evening we will all meet at the Kastrup airport in Copenhagen.
Then the plan is to fly to Beijing; (Peking) and we will spend few days there before we fly over to the City Nanchang in the Jiangxi providence. On the 10 of July we will finally meet our daughter Fu Ling Min but we have named her Sigridur Bara Min Karlsdottir.
The whole journey will take two weeks and we anticipate rather demanding trip for us as one can imagine.
The whole process has taken around one year but its delightful feeling to know that we are getting very close to the peak so to say or the destination. We have already got draft of the trip and the planning that has taken place. We will be able to do some sightseeing particularly before we go to Nanghang.
In last few days we have been making our home ready for the new family member, painting the room, buying clothing and other things that need to be ready. The father has never been known as a handy man so he has needed some extra help from friends to be able to connect lights extr.
Yesterday we got our travel tickets and that was a specific feeling not only having flight ticket to China but seeing booking for three persons on the way home. Its happening !!!!!
Then the plan is to fly to Beijing; (Peking) and we will spend few days there before we fly over to the City Nanchang in the Jiangxi providence. On the 10 of July we will finally meet our daughter Fu Ling Min but we have named her Sigridur Bara Min Karlsdottir.
The whole journey will take two weeks and we anticipate rather demanding trip for us as one can imagine.
The whole process has taken around one year but its delightful feeling to know that we are getting very close to the peak so to say or the destination. We have already got draft of the trip and the planning that has taken place. We will be able to do some sightseeing particularly before we go to Nanghang.
In last few days we have been making our home ready for the new family member, painting the room, buying clothing and other things that need to be ready. The father has never been known as a handy man so he has needed some extra help from friends to be able to connect lights extr.
Yesterday we got our travel tickets and that was a specific feeling not only having flight ticket to China but seeing booking for three persons on the way home. Its happening !!!!!
laugardagur, júní 25, 2005
Eins árs afmæli Sigríðar Báru Min
Sigríður Bára átti eins árs afmæli föstudaginn 24 júni og þótti foreldrunum tilefni til að baka eina súkkulaðitetru af tilefni dagsins. Við fengum margar afmæliskveðjur frá vinum og fjölskyldu af þessu tilefni og glatt var á hjalla á Hofteignum.
Sigurður Valur stjórnaði afmælissöng af þessu tilefni með tilheyrandi húrrahrópum, en hann er orðinn ansi hreint sjóaður í stjórnun á fjöldasöng af svona tilefnum.
Dagurinn var einnig merkilegur fyrir þær sakir að Gyða hætti að vinna, byrjar í sumarleyfi og fer síðan í fæðingarorlof vegna þessa merku tímamóta. Þá fer að styttast í að heimilisfaðirinn fari líka í frí og síðan orlof en miðað við upphaf ferðar þann 4 júli má vænta þess að síðasti starfsdagurinn verði að minnsta kosti að kvöldi hins 3 júli en mikil pressa er á honum að hefja töku orlofs eitthvað aðeins fyrr.
Mikið þökkum við öllum þeim sem hafa verið að senda okkur kveðjur og hamingjuóskir undanfarið en það hefur verið ómetanlegt.
Sigurður Valur stjórnaði afmælissöng af þessu tilefni með tilheyrandi húrrahrópum, en hann er orðinn ansi hreint sjóaður í stjórnun á fjöldasöng af svona tilefnum.
Dagurinn var einnig merkilegur fyrir þær sakir að Gyða hætti að vinna, byrjar í sumarleyfi og fer síðan í fæðingarorlof vegna þessa merku tímamóta. Þá fer að styttast í að heimilisfaðirinn fari líka í frí og síðan orlof en miðað við upphaf ferðar þann 4 júli má vænta þess að síðasti starfsdagurinn verði að minnsta kosti að kvöldi hins 3 júli en mikil pressa er á honum að hefja töku orlofs eitthvað aðeins fyrr.
Mikið þökkum við öllum þeim sem hafa verið að senda okkur kveðjur og hamingjuóskir undanfarið en það hefur verið ómetanlegt.
sunnudagur, júní 19, 2005
Ferðadagsetning komin
Síðast liðinn mánudag var haldinn ferðafundur þar sem við fengum hagnýtar upplýsingar um ævintýraferðina okkar. Fyrir liggur að fara frá kóngsins Kaupmannahöfn að kvöldi 5 júlí og þjóta um loftin blá beint til Peking þar sem keisarans hallir skína eins og segir einhvers staðar :-) . Við leggjum liklega sólarhring fyrr af stað og hyggjumst eiga góða stund í köpen. Ekki er hægt að neita því að þessi fundur setti undirbúning allan á annað stig því nú þarf að halda vel á spöðunum, aðeins tvær vikur til brottfarar. Hjónin tóku sig því til undir öryggri forustu húsfrúarinnar og máluðu herbergið Sigríðar og síðan voru keypt ný ljós. Þrátt fyrir andmæli varð hinn nýbakaði faðir að hætta sér í að festa þau upp. Til öryggis var allt rafmagn tekið af íbúðinni ef ekki húsinu öllu og sumir segja að dimmt hafi orðið á Hofteignum öllum um stund, slíkt var öryggið eða kannski öllu heldur vanþekking á tengingum og vírum. En upp fóru ljósin og taka sig vel út, smá frágangur eftir sem frúin gaf leiðbeiningar um hvernig ætti að vera þannig að þessu er ekki að fullu lokið. Þrátlát kvefpest föðursins veittum honum engan umbuð eða samúð, herbergið yrði að verða tilbúið innan tíðar, ekkert væl. Siggi Valur fór með í verslunarleiðangur og gaf foreldrunum leiðbeiningar á ýmsu því sem okkar datt til hugar að við yrðum að hafa aðgengilegt, nú ekki sleppti hann að segja sína skoðun á nauðsynlegum fatnaði og fyrst kom í huga hans arsenal treygja. Klikkar ekki á smáatriðum pilturinn sá og ekki slæmt að hafa svona ráðleggingar sem auðvitað varð að verðlauna með góðri ísferð þar sem Gunna stóra frænka kom einnig með í. Nú er frúin að "skella" í nokkrar tertur enda afmælisdagur hennar á morgun og síðan á prinsessan litla afmæli á föstudaginn og aldrei að vita nema við blásum á eitt kerti ef einhver verða eftir á bænum eftir fjöldann sem nota verður á morgun.....
fimmtudagur, júní 09, 2005
Ein vika síðan
Tíminn líður hratt. Í dag er ein vika síðan við fengum myndirnar af henni Sigríði Báru Min. Á þessari einu viku höfum við foreldrarnir verið að dáðst af litlu tátunni, látið stækka ljósmyndir af henni og komið þeim að bókstaflega út um allt. Hópur 12 hittist hjá Sigrúnu á mánudaginn síðasta og komu allir foreldrar með myndirnar af dætrum sínum. Þann dag fengum við líka nýjar upplýsingar um Sigríði Báru Min, hún hefur stækkað frá því í janúar en þá var hún 64 cm og 7 kg. en nýjustu tölur segja að hún sé núna 72 cm og 8,2 kg. Hún er ólík pabba sínum en hann var nánast tannlaus fram að tveggja ára aldri, daman er í dag komin með 8 tennur, en var með 4 í janúar. Það er skemmst frá því að segja að í dag fengum við þykka möppu frá Íslenskri Ættleiðingu sem innihalda nauðsynlegustu upplýsingar um ferðina, hvernig undirbúa skal ferðina, hvað á að taka með sér, hvað má og hvað má ekki. Þetta er virkilega flott mappa hjá henni Guðrúnu sem hefur staðið sig eins og hetja. Í kvöld er handlagni heimilisfaðirinn búinn að setja saman rúm eftir eigin hugmyndum, nokkrar skrúfur rötuðu ekki á rétta staði (afgangur semsagt) og honum hulin ráðgáta hvar þeim var ætlað hlutverk svo ekki sé talað um gormana sem liggja í gluggakistunni (ennþá). Enn hann reynir sitt besta og við tökum viljan fyrir verkið. Næsta þriðjudag er áætlaður ferðafundur þar sem farið verður yfir ferðina, fardagar og dvalarstaðir ákveðnir. Fram að þeim tíma munum við undirbúa okkur undir verslunarleiðangur, kaupa snuð, pela, krem, samfellur og allt það sem hún Sigríður mun þurfa á að halda þegar hún hittir okkur.
föstudagur, júní 03, 2005
fimmtudagur, júní 02, 2005
Við höfum fengið myndir af dóttur okkar
Dagurinn í dag er merkisdagur. Seinnipart dags fékk Kalli símhringingu frá Íslenskri Ættleiðingu og honum tilkynnt að okkar biði myndir og upplýsingar um dóttur okkar. Móðirin var í ræktinni á þessu mikilvæga augnarbliki og rauk sveitt af stað með pabbanum til að sjá litla ungann. Þessi stúlka er án efa það fallegasta sem við höfum augum litið, fædd þann 24. júní árið 2004 og ber nafnið Fu Ling Min. Fyrra nafnið Fu er nafnið á barnaheimilinu og seinni nöfnin eiga að lýsa persónuleika hennar. Ling þýðir að vera snörp og Min þýðir glæsileiki. Hún hefur samkvæmt okkar upplýsingum búið hjá fósturforeldrum sem sjá án efa vel um hana fyrir okkur þar til við hittumst í júlí. Langþráðum áfanga er náð og nú tekur við að undirbúa komu prinsessunnar. Við tókum nokkrar myndir í dag og svo myndir af myndunum þar til við munum skanna þær inn og setja á netið.
mánudagur, maí 30, 2005
miðvikudagur, maí 25, 2005
Myndir komnar frá Bandaríkjunum
Í gær var hægt að skoða myndir sem bárust bandarískum foreldrum sem eru að ættleiða frá Kína. Þetta voru myndarlegustu börn og furðu vakti að mörg þeirra voru mjög ung auk þess sem í hópnum voru tvíburar og einn drengur. Núna fer að líða að því að við hér á Íslandi fáum einhverjar upplýsingar.
mánudagur, maí 23, 2005
Þetta voru engar kjaftasögur
Í dag hittust verðandi mæður í hádegismat á Kaffi Sólon. Mikið var rætt um tímasetningar og gengið hart að Kristínu V. að láta okkur vita um leið og fréttir bærust frá Bandaríkjunum. Hún benti okkur réttilega á það að það væri mánudagur þar líkt og hér auk þess sem tímamunurinn væri mikill og því ekkert að frétta þaðan frá því á föstudag þar sem það væri varla kominn morgun þar. En Kristín var dugleg og komst að því þegar hún mætti aftur til vinnu að myndirnar væru farnar að berast til verðandi foreldra í USA. Þetta vakti mikla lukku. Þannig að ef maður heldur áfram að "spekulera" þá ættum við að frétta eitthvað í næstu viku.
sunnudagur, maí 22, 2005
Undirbúningur að fara á flug :-)
Á síðustu dögum hefur undirbúningur hjá okkur tekið á sig nýjar myndir. Gyða stýrir verklegum framkvæmdum sem núna felast í því að lakka barnarúm og snyrta þannig að til sóma verði. Svefnherbergi sem til þessa hefur verið fyrir "lítið" frændfólk sem hefur fengið næturgistingar fær nýjan og góðan tilgang og mun í framtíðinni verða fyrsta barnaherbergi okkar, ekki dónalegur tilgangur það! Gert er ráð fyrir að mála og snyrta til í herberginu með því að loksins verði gólflistar festir formlega en þá fengum við tilsnyrta frá fyrri eigendum íbúðarinnar fyrir ekki svo löngu. Kannski best að segja sannleikann það eru rúmlega tvö ár og við stilltum þeim bara upp og þar sem þeir stóðu á eigin "spýtum" þá var ekkert verið að vesenast í því að festa þá formlega. Jæja læt nægja um gólflistana en þeir verða semsagt festir upp þegar búið er að skella upp veggfóðri sem keypt var sérstaklega með það í huga að geta hentað vel hvort sem barnið verður stúlka eða piltur. Hvað frúin ákveður síðan að verði næstu skref veit ég ekki en það verða ábyggilega göfug og eitthvað sem er alveg bráðnauðsynlegt að gera strax.... Þeir sem til þekkja vita að verklegar framkvæmdir eru nú ekki sterkasta hliðin þannig að ekki fækkar gráu hárunum á næstu vikum :-)
föstudagur, maí 20, 2005
Kjaftasögur af spjalli
Jæja - í dag heyrði ég kjaftasögu sem ég kýs að trúa að sé sönn. Komið hefur fram á spjallsíðum bandarískra foreldra sem eru að ættleiða að myndir og upplýsingar séu á leiðinni til þeirra. Núna fer hugurinn á flug og er maður núna að láta sig dreyma um að fá upplýsingarnar í fyrstu viku júní. Nú er bara að sjá og bíða.
þriðjudagur, maí 10, 2005
Hittingur hjá félögum í hópi 12
Í gær hittist hópur 12 á Hofteigi. Það var mjög góð mæting hjá hópnum sem endranær. Mikil spenna er byrjuð að myndast og allir voru að spekulera og spá í sama hlutinum þ.e. "Hvenær ætli upplýsingarnar berist"? Farið var að telja fram og til baka en loka niðurstaðan var eiginlega sú að það er ekkert og þá ekkert að gera annað en að bíða og bíða. Kristín okkar frábæri upplýsingafulltrúi hefur tekið það að sér að vera dugleg inn á bandarísku spjallsíðunum og fylgjast með hvenær þau fái sínar upplýsingar en reynslan hefur sannað það að við megum vonast til að fá upplýsingar um ungana okkar u.þ.b. 10 dögum eftir að Bandaríkjamenn hafa fengið sínar upplýsingar. Farið var að skoða barnaföt sem gestgjafarnir höfðu verslað og er það ljóst að það er búið að undirbúa komu lítillar prinsessu á heimilið. En það er mikið búið að vara okkur við því að gera ráð fyrir stelpu þar sem það liggur ljóst fyrir að bráðlega mun annar drengur bætast við þann hóp kínverskra barna sem hafa verið ættleidd hingað - en þangað til þá lítum við á tölfræðina sem segir 95% líkur á stúlku.
miðvikudagur, maí 04, 2005
Smá misskilningur
Var að frétta það að login dagsetningin hafi verið 11.11.2004 en ekki 03.11.2004 eins og ég sagði frá í fyrri pósti mínum. Það vonandi breytir ekki miklu nema hvað það verður sífellt heitara og heitara í Kína sem líður á sumarið :-)
mánudagur, maí 02, 2005
Mánuðir líða
Á morgun þann 3. maí eru liðnir 6 mánuðir frá því að umsókn okkar var móttekin í Kína. Þessi tími hefur liðið hratt og þá sérstaklega síðustu mánuðir. Það hjálpar mikið við biðina hve mikið er til að efni á vefnum og svo ekki sé minnst á ferðalag þeirra í hópi 11. En núna er viku frí í Kína og blessað fólkið sem er að vinna með umsóknirnar okkar að njóta þessa frítíma. Biðtíminn er áætlaður 6-7 mánuðir og því má segja að það verður stutt í það að við fáum einhverjar fréttir. Framundan er að fara að tæma herbergið sem ætlað verður unganum en við ætlum að bíða með að innrétta það þar til við fáum upplýsingarnar.
Gerast áskrifandi að:
Færslur (Atom)





