Komin heim eftir langt ferðalag

Myndir
Jæja þá er litla fjölskyldan loksins komin heim til sín. Ferðalagið var frekar erfitt og strangt. Tók rétt tæpan sólarhring frá því við lögðum af stað frá hótelinu í Peking þar til komið var á Hofteiginn. Sú stutta var nú ekkert að sofa neitt mikið kannski 3-4 tíma í heildina í ferðinni allri þannig að hún var nú ansi hreint þreytt eftir þetta allt saman. Hún svaf svo ágætlega í nótt vaknaði kl 06:00 (Pabbinn ánægður með það) og var núna að ná sér í smá blund þannig að við læddumst í tölvuna.
Vegabrefið hennar Siggu Báru hefur hvarvetna vakið mikla athygli enda myndin með eindæmum og landamæraverðir helgið mikið og sagt þegar þér sjá þetta fallega barn að hún hafi nú braggast mikið frá myndatökunni. Þetta skilja menn betur þegar þeir sjá vegabréfið.
Það var ólýsanlegt að ganga með hana í fanginu um íbúðina og sjá brosið sem færðist yfir hana þegar hún þekkti sig af myndum á veggnum í herberginu hennar auk þess sem henni finnast útsaumuði álfarnir sem Amma Sí (Sigríður Karlsdóttir) hafði saumað á sínum tíma alveg svakalega sniðugir og fallegir.
Núna er stefnt að því að taka upp úr töskunum í rólegaheitum og láta dömuna sjá sem mest af hlutum sem hún þekkir þannig að aðlögun hennar gangi sem best fyrir sig. Fjölskyldan fær síðan smá saman að koma og hitta hana eftir því sem styrkur hennar og aðlögun leyfir.
Biðjum kærlega að heilsa öllum og við erum í skýjunum að vera komin heim eftir langt ferðalag